Марына Яўгенаўна Анікеева

У Вікіпедыі ёсць артыкулы пра іншых людзей з прозвішчам Анікеева.

Марына Яўгенаўна Анікеева (нар. 4 чэрвеня 1968(1968-06-04), Пскоўскі раён, Пскоўская вобласць) — беларускі эканаміст і палітык.

Марына Яўгенаўна Анікеева
Нараджэнне	4 чэрвеня 1968(1968-06-04) (57 гадоў) Пскоўскі раён, Пскоўская вобласць, РСФСР, СССР
Адукацыя	Рыжскі інстытут інжынераў грамадзянскай авіяцыі[d]
Месца працы	Малочны Мір Бярозаўскі сыраробны камбінат
Узнагароды	ганаровая грамата Нацыянальнага сходу Рэспублікі Беларусь

Біяграфія

Нарадзілася 4 чэрвеня 1968 года ў в. Арцюшына Пскоўскага раёна Пскоўскай вобласці РСФСР.

Скончыла Рыжскі Чырванасцяжны інстытут інжынераў грамадзянскай авіяцыі імя Ленінскага камсамола, інжынер-эканаміст.

Працавала бухгалтарам Бярозаўскага сыраробнага камбіната, эканамістам па планаванню, вядучым эканамістам па працы, галоўным эканамістам, намеснікам дырэктара па эканоміцы — галоўным эканамістам адкрытага акцыянернага таварыства «Бярозаўскі сыраробны камбінат». Першы намеснік дырэктара адкрытага акцыянернага таварыства «Бярозаўскі сыраробны камбінат» Брэсцкай вобласці.

Выбіралася членам Савета Рэспублікі Нацыянальнага сходу Рэспублікі Беларусь 4-га склікання^[1].

У красавіку 2024 года выбрана дэлегаткай на Усебеларускі народны сход 7-га склікання ад мясцовых Саветаў дэпутатаў^[2].

Узнагароды

Узнагароджана юбілейнымі медалямі «65 гадоў Перамогі ў Вялікай Айчыннай вайне 1941—1945 гг.», «65 год вызвалення Рэспублікі Беларусь ад нямецка-фашысцкіх захопнікаў», ганаровай граматай Нацыянальнага сходу Рэспублікі Беларусь^[3].