Марыядзіні

Марыядзíнi (італ.: Mariodini) — танцоўшчык і балетмайстар 2-й паловы 18 стагоддзя.

Марыядзiнi
італ.: Mariodini
Тэатр	Шклоўскі тэатр Зорыча

Біяграфія

Па паходжанні італьянец.

У 1780-я гады працаваў балетмайстрам Шклоўскага тэатра Зорыча і педагогам яго балетнай школы (падрыхтаваў 20 прыгонных танцоўшчыц, сярод якіх Пелагея і Кацярына Азарэвічы; вучыў таксама К. Буткевіча).

Выкладаў сцэнічныя танцы ў Шклоўскім кадэцкім корпусе.

Сярод пантамім, у якіх удзельнічалі вучні Марыядзiнi, — «Двайная жаніцьба Арлекіна, або Арлекін, шчаслівы ў магіі».

Літаратура

• Марыядзiнi // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.