Марыя Сакары

Мары́я Сáкары (грэч. Μαρια Σακκαρη; нар. 25 ліпеня 1995(1995-07-25)^[1], Афіны^[1]) — грэчаская тэнісістка; паўфіналістка двух турніраў Вялікага шлема ў адзіночным разрадзе (Адкрыты чэмпіянат Францыі, Адкрыты чэмпіянат ЗША-2021); пераможца двух турніраў WTA ў адзіночным разрадзе; першая ў гісторыі грэчаская тэнісістка, якая ўвайшла ў топ-10 жаночага адзіночнага рэйтынгу і дайшла да чвэрцьфіналу і паўфіналу турніру Вялікага шлема ў адзіночным разрадзе.

Марыя Сакары
грэч. Μαρία Σάκκαρη
Нарадзілася	25 ліпеня 1995(1995-07-25)[1] (30 гадоў) Афіны, Афіны[d], Цэнтральныя Афіны[d], Атыка[d], Грэцыя[1]
Грамадзянства	Грэцыя
Рэзідэнцыя	Монтэ-Карла, Манака
Рост	172 см
Вага	62 кг[1]
Прафесійная кар’ера	2011 — ц.ч.
Вядучая рука	правая
Удар злева	двухручны
Трэнер(ы)	Том Хіл
Прызавыя грошы	12 807 931 $[2]
Адзіночны разрад
Вынікі (в/п)	471–313[2]
Тытулы	2 WTA, 7 ITF
Найвышэйшы рэйтынг	3 (21 сакавіка 2022)
Турніры серыі Вялікага шлема
Аўстралія	4-ы раўнд (2020, 2022)
Францыя	1/2 фіналу (2021)
Уімблдан	3-і раўнд (2017, 2019, 2022)
ЗША	1/2 фіналу (2021)
Парны разрад
Вынікі (в/п)	52–50[2]
Тытулы	5 ITF
Найвышэйшы рэйтынг	169 (9 верасня 2019)
Турніры серыі Вялікага шлема
Аўстралія	1-ы раўнд (2019, 2020)
Францыя	1-ы раўнд (2018)
Уімблдан	2-і раўнд (2019)
ЗША	2-і раўнд (2019)
Медыяфайлы на Вікісховішчы
Апошняе абнаўленне: 7 жніўня 2023 года

Агульная інфармацыя

Марыя — патомная тэнісістка: яе маці — Ангелікі Канелопулу — у 1987 годзе ўваходзіла ў топ-50 адзіночнага рэйтынгу WTA і выступала за зборную Грэцыі ў Кубку Федэрацыі.

Улюбёнае пакрыццё Сакары — грунт. Грачанка трэнуецца ў Тэніснай акадэміі Альберта Портаса і Хермана Пуэнтэса-Альканіса ў Барселоне (Іспанія).

Спартыўная кар’ера

Сезон 2018 года

Адкрыты чэмпіянат Аўстраліі для Сакары завяршыўся на стадыі першага кола матчам з Кацярынай Сіняковай 2:6, 7:6, 4:6.

У сакавіку прайшла ў 1/8 фіналу турніру ў Індыян-Уэлсе, аднак саступіла японцы Наомі Осацы і выбыла з турніру.

Красавік прынес Марыі паўфінал турніру на грунце ў Стамбуле (Турцыя), у якім яна саступіла Палоне Герцаг са Славеніі.

У ліпені дайшла да фіналу турніру ў Сан-Хасэ (ЗША), дзе прайграла ў двух сэтах румынцы Міхаэле Бузарнеску.

Сезон 2019 года

У красавіку 2019 года Сакары ўдзельнічала ў турніры WTA ў Чарльстане (ЗША), дзе дайшла да чвэрцьфіналу, аднак прайграла будучай фіналістцы, тэнісістцы з Даніі Каралін Вазняцкі ў двух сэтах, пры гэтым практычна не аказаўшы супраціву, і абодва сэты скончыліся з аднолькавым лікам 6-2, 6-2.

У красавіку 2019 года Марыя прымала ўдзел у Гран-пры Лалы Мер’ем, дзе дайшла да фіналу і абыйграла тэнісістку з Вялікабрытаніі Яхану Конту ва ўпартым трохсэтавым паядынку^[3].

На Адкрытым чэмпіянаце ЗША прайграла ў трэцім раўндзе аўстралійцы Эшлі Барці ў двух сэтах.

Сезон 2020 года

На Адкрытым чэмпіянаце Аўстраліі дайшла да чацвёртага кола, аднак прайграла Петры Квітавай^[4].

Сезон 2021 года

На пачатку студзеня 2021 года Марыя прыняла ўдзел у турніры WTA-500 ў Абу-Дабі, дзе стала паўфіналісткай турніру, саступіўшы шлях у фінал беларускай спартсменцы Арыне Сабаленка.

Выніковае месца ў рэйтынгу WTA паводле гадоў

Год	Адзіночны рэйтынг	Парны рэйтынг
2022	6	497
2021	6	1 069
2020	22	194
2019	23	176
2018	41	909
2017	52	609
2016	89	370
2015	188	504
2014	301	492
2013	610	863
2012	627
2011	702