Петра Квітава

У Вікіпедыі ёсць артыкулы пра іншых людзей з імем Петра.

Пе́тра Кві́тава (чэшск.: Petra Kvitová; нар. 8 сакавіка 1990(1990-03-08), Bílovec^[d][1][2]) — чэшская прафесійная тэнісістка; пераможца двух турніраў Вялікага шлема ў адзіночным разрадзе (Уімблдан-2011, 2014) і Выніковага WTA Тура (2011); фіналістка аднаго турніру Вялікага шлема ў адзіночным разрадзе (Адкрыты чэмпіянат Аўстраліі-2019); пераможца 31 турніру WTA ў адзіночным разрадзе; шасціразовая ўладальніца Кубка Федэрацыі (2011, 2012, 2014—2016, 2018) і аднаразовая Кубка Хопмана (2012) ў складзе нацыянальнай зборнай Чэхіі; бронзавы прызёр Алімпійскіх гульняў 2016 года ў адзіночным разрадзе; былая другая ракетка свету ў адзіночным разрадзе; пятая тэнісістка ў гісторыі па заробленых прызавых^[4].

Петра Квітава
Нарадзілася	8 сакавіка 1990(1990-03-08) (35 гадоў) Bílovec[d], раён Нові-Ічын[d], Паўночнамараўскі край[d], Чэшская Рэспубліка[d], Чэхаславакія[1][2]
Грамадзянства	Чэхія[3]
Рэзідэнцыя	Монтэ-Карла, Манака
Рост	182 см
Вага	70 кг
Прафесійная кар’ера	2006 — ц.ч.
Вядучая рука	левая
Удар злева	двухручны
Трэнер(ы)	Давід Котыза (2008—2016) Францішак Чэрмак (2016) Іржы Ванек (з 2016)
Прызавыя грошы	37 252 032 $[1]
Адзіночны разрад
Вынікі (в/п)	633–288[1]
Тытулы	31 WTA, 7 ITF
Найвышэйшы рэйтынг	2 (31 кастрычніка 2011)
Турніры серыі Вялікага шлема
Аўстралія	фінал (2019)
Францыя	1/2 фіналу (2012, 2020)
Уімблдан	перамога (2011, 2014)
ЗША	1/4 фіналу (2015, 2017)
Парны разрад
Вынікі (в/п)	13–35[1]
Найвышэйшы рэйтынг	196 (28 лютага 2011)
Турніры серыі Вялікага шлема
Аўстралія	2-і раўнд (2011)
Францыя	2-і раўнд (2010)
Уімблдан	1-ы раўнд (2008, 2010, 2011)
ЗША	1-ы раўнд (2008—2010)
Узнагароды і медалі Алімпійскія гульні Бронза Рыа-дэ-Жанэйра 2016 адзіночны разрад
petrakvitova.net
Медыяфайлы на Вікісховішчы
Апошняе абнаўленне: 2 студзеня 2023 года

Агульная інфармацыя

Петра — адна з трох дзяцей Іржы і Паўлы Квітавай; яе братоў клічуць Іржы і Лібар. І бацька, і браты гуляюць у тэніс на аматарскім узроўні.

Любіць гуляць за задняй лініяй. Найлепшымі ўдарамі лічыць бэкхэнд і падачу. Улюбёны турнір — Уімблдан. Кумірам у свеце тэніса ў дзяцінстве была Марціна Наўрацілава, якая, як і Петра, гуляла левай рукой.

Трэніруецца ў адным тэнісным клубе з Томашам Бердыхам і Луцыяй Шафаржавай.

Асабістае жыццё

Квітава была ў адносінах з чэшскім тэнісістам Адамам Паўлашакам, а пазней з Радэкам Штэпанекам. У чэрвені 2014 года яна пачала сустракацца з чэшскім хакеістам Радэкам Мідлам. У снежні 2015 года было абвешчана пра іх заручыны, аднак у маі 2016 года пара разыйшлася.

Інцыдэнт з нападам грабежніка

20 снежня 2016 года ў кватэру Квітавай у Просцееве, у якой яна ў той момант знаходзілася, пранік грабежнік, якія прадставіўся супрацоўнікам камунальных службаў^[5]. Нападнік прыставіў нож да горла спартсменкі і ў ходзе барацьбы параніў яе левую руку, пашкодзіўшы сухажыллі на ўсіх пяці пальцах, а таксама два нервы^[6]. Петры зрабілі аперацыю, якая доўжылася каля чатырох гадзін і існавала вялікая рызыка, што атрыманая траўма заміне ёй працягнуць кар’еру^[7]. Аперацыя прайшла паспяхова і прагназавалася, што аднаўленне зойме каля шасці месяцаў. Квітава пачала трэніроўкі ўжо ў сакавіку 2017 года, а ў маі змагла аднавіць кар’еру^[5]. Мужчына, які нападаў на тэнісістку, быў знойдзены ў 2018 годзе і праз год быў асуджаны да васьмі гадоў пазбаўлення волі, а на пачатку 2020 года яму павялічылі тэрмін да 11 гадоў^[8].