Марыя Ячыноўская

Марыя Ячыноўская (Ячыноўская-Кімант; 1858?, Шаўлі, сучасная Літва — 1922) — піяністка, кампазітар, грамадскі дзеяч.

Марыя Ячыноўская
Дата нараджэння	1858
Месца нараджэння	Шаўлі, Шавельскі павет, Ковенская губерня, Расійская імперыя
Дата смерці	1922
Месца смерці	Вільня
Краіна	Расійская імперыя  Літва
Бацька	Ян Ячыноўскі[d]
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава
Музычная дзейнасць
Прафесіі	піяністка, хормайстар
Інструменты	фартэпіяна

Біяграфія

Нарадзілася ў сям’і банкаўскага службоўца. Бацькі паходзілі з Беларусі. Скончыла Пецярбургскую кансерваторыю, адна з вучаніц Антона Рубінштэйна.

У 1914 годзе арганізавала (з В. Ратасэпам) у Вільні канцэрт-баль чатырох народаў (беларусаў, палякаў, літоўцаў і рускіх), скампанавала музыку аперэты «Залёты» на лібрэта В. Дуніна-Марцінкевіча (паст. з А. Бурбісам у 1915). Кіравала беларускім хорам (1914—1918) і рыхтавала музычныя аддзелы ў Беларускім музычна-драматычным гуртку.

Сямейныя сувязі

Муж Янка Кімант (Кімонт), чыноўнік, літоўскі грамадскі дзеяч. Дачка Марцэліна Кімант-Яцына (1884—1961), піяністка і педагог, прафесар Варшаўскай кансерваторыі^[1].

Сёстры: Катажына  (польск.) (1872—1920), піяністка і педагог; Сабіна (1877—1954), педагог, замужам за Вацлавам Іваноўскім.

Зноскі

1. Да 1986 года дзейнасць Марыі Ячыноўскай-Кімант памылкова прыпісвалася яе дачцэ Марцэліне Кімант-Яцына. Гл: Я. Янушкевіч. Марыя Ячыноўская-Кімонт // ЛіМ. 1986. 29 чэрв.