Матэрыялы па археалогіі Беларусі

«Матэрыялы па археалогіі Беларусі» (МАБ) — навуковы зборнік Інстытута гісторыі НАН Беларусі, прысвечаны археалагічным даследаванням у Беларусі і сумежных краінах. Выходзіць 1-2 разы на год^[1]. Рэдакцыя знаходзіцца ў Мінску па вуліцы Акадэмічнай, 1^[1]. Галоўны рэдактар — кандыдат гістарычных навук В. Л. Лакіза^[2].

«Матэрыялы па археалогіі Беларусі»
Тып	навуковае выданне
Выдавец	Інстытут гісторыі НАН Беларусі
Галоўны рэдактар	В. Л. Лакіза[1]
Заснавана	1957
Тэматыка	археалогія, антрапалогія
Мова	беларуская, руская
Перыядычнасць	1–2 разы на год
Галоўны офіс	220072, Мінск, вул. Акадэмічная, 1[1]
Тыраж	120 экз.[1]
ISSN	2220-4741

Гісторыя

Першы выпуск выйшаў у 1957 годзе, пасля чаго серыя спынілася. З 1999 года выданне адноўлена^[3].

Змест

У межах серыі друкуюцца манаграфіі і зборнікі артыкулаў па выніках археалагічнага вывучэння Беларусі і сумежных краін. Асобныя выпускі прысвячаюцца пэўным эпохам, праблемам, асобам выбітных археолагаў, а таксама ўтрымліваюць матэрыялы навуковых канферэнцый^[3].

Бібліяграфічныя базы і індэксацыя

Зборнік уключаны ў Пералік навуковых выданняў Рэспублікі Беларусь, дзе могуць апублікоўвацца вынікі дысертацыйных даследаванняў па археалогіі, а таксама па гістарычных, біялагічных і медыцынскіх навуках (антрапалогія). Часопіс уключаны ў Расійскі індэкс навуковага цытавання (РІНЦ)^[2].