Мацвей Ізраілевіч Басаў

Мацвей Ізраілевіч Басаў (нар. 14 чэрвеня 1950, г. Мінск) — беларускі мастак.

Мацвей Ізраілевіч Басаў
Дата нараджэння	14 чэрвеня 1950(1950-06-14) (75 гадоў)
Месца нараджэння	Мінск, Беларуская ССР, СССР
Бацька	Ізраіль Мацвеевіч Басаў
Род дзейнасці	мастак
Жанр	станковы жывапіс і станковая графіка
Вучоба	Мінскі дзяржаўны мастацкі каледж імя А. К. Глебава
Уплыў	Уладзімір Цітавіч Гардзеенка і Аляксей Міхайлавіч Зінчук[d]
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Басаў.

Біяграфія

Нарадзіўся 14 чэрвеня 1950 года ў Мінску ў сям'і мастака Ізраіля Басава. Скончыў у 1971 годзе Мінскае мастацкае вучылішча. Вучыўся ва У. Гардзеенкі, А. Зінчука. Удзельнік мастацкіх выставак з 1981 года^[1].

Член Беларускага саюза мастакоў з 1989 года. Жыве ў г. Мінску^[1].

Творчасць

«Да святла». 1999. Нацыянальны цэнтр сучасных мастацтваў Рэспублікі Беларусь

Працуе ў станковым жывапісе і графіцы. Асноўныя творы: жывапісныя кампазіцыі «Белы анёл», «Прарокі», «Свячэнне», «Выбар», «Час збіраць камяні», «Дзед і белы анёл», «Спрачальнікі», «Партрэт Майсея», цыклы «Кнігу — народу» і «Вывучаючы Біблію», графічныя серыі «Нарач» і «Прыбалтыка»^[1].

Творы знаходзяцца ў фондах БСМ^[1].

Выстаўкі

29 жніўня 2025 года ў Нацыянальным мастацкім музеі Рэспублікі Беларусь адбылося ўрачыстае адкрыццё юбілейнай выстаўкі «Святло ў далонях», прымеркаванай да 75-годдзя Мацвея Басава.

У экспазіцыі дэманставалася больш за 100 жывапісных работ, створаных у перыяд з канца 1960-х да 2020-х гг., а таксама 12 лістоў арыгінальнай графікі 1980-х гадоў. У іх адлюстраваны асноўныя тэмы творчасці мастака: біблейскія сюжэты, беларускія мястэчкі, Халакост, каханне, а таксама жанры — нацюрморт і пейзаж^[2].

• 
• 
• 
• 
• 
•