Мацвей Яфімавіч Рабіновіч

У Вікіпедыі ёсць артыкулы пра іншых людзей з прозвішчам Рабіновіч.

Мацвей Яфімавіч Рабіновіч (13 мая 1913, Быхаў — 6 лютага 1954, Гомель) — беларускі шашыст. Двухразовы чэмпіён Беларусі па рускіх шашках (1947, 1948), бронзавы прызёр (1951). Кандыдат у майстры спорту (1948).

Мацвей Яфімавіч Рабіновіч
Пол	мужчынскі пол
Спецыялізацыя	шашкі
Нарадзіўся	13 мая 1913(1913-05-13) Быхаў, Быхаўскі павет, Магілёўская губерня, Расійская імперыя
Памёр	6 лютага 1954(1954-02-06) (40 гадоў) Гомель, Гомельская вобласць, Беларуская ССР, СССР
Пахаванне	Прудкоўскія могілкі

Біяграфія

Шашкамі пачаў займацца ў 19 гадоў. Першую катэгорыю атрымаў па выніках Усесаюзнага турніру ЦК Саюза выдавецкіх работнікаў (1936).

З лютага 1940 па ліпень 1946 года знаходзіўся на ваеннай службе. Падчас Вялікай Айчыннай вайны служыў інтэндантам сапёрнага батальёна і ў рэдакцыі газеты «Красный кавалерист».

Пасля дэмабілізацыі пачаў жыць у Гомелі. Працаваў журналістам на радыё. Узначальваў гарадскую шахматна-шашачную секцыю, уваходзіў у склад рэспубліканскай. Вёў шашачны гурток у гомельскім Палацы піянераў.

Загінуў у аўтамабільнай аварыі. Пахаваны на Прудкоўскіх могілках Гомеля.

Спасылкі

• Віталь Аніська 110 гадоў з дня нараджэння Мацвея Рабіновіча, 13.5.2023.