Мацье I (герцаг Латарынгіі)

Мацье (Маціяс) I Дабрадушны (фр.: Mathieu I le Débonnaire, ням.: Matthäus I.; каля 1119—13 мая 1176) — герцаг Латарынгіі з Эльзаскай дынастыі (1139—1176), старэйшы сын і спадчыннік Сімона I, герцага Латарынгіі, і Адэлі, дачкі Генрыха III, графа Лувена.

Мацье (Маціяс) I Дабрадушны
фр.: Mathieu I le Débonnaire ням.: Matthäus I.
герцаг Латарынгіі 1139 — 1176
Папярэднік	Сімон I
Пераемнік	Сімон II
граф Туля 1153 — 1176
Папярэднік	Тытул створаны
Пераемнік	Мацье II
Нараджэнне	каля 1119 невядома
Смерць	13 мая 1176 Віле-ле-Нансі[d], акруга Нансі[d], дэпартамент Мёрт і Мозель, Латарынгія[d], Францыя
Род	Латарынгскі дом
Бацька	Simon I, Duke of Lorraine[d]
Маці	Adelaide of Leuven[d][1]
Жонка	каля Bertha, duchess of Lorraine[d][1][2]
Дзеці	Alice of Lorraine[d][1], Frederick I, Duke of Lorraine[d][1], Matthias of Lorraine, Count of Toul[d][1], Thierry IV[d][1][3], Judith de Lorraine[d] і Simon II, Duke of Lorraine[d][3][1]
Медыяфайлы на Вікісховішчы

У Вікіпедыі ёсць артыкулы пра іншых людзей з імем Мацье.

Біяграфія

Падобна сваім папярэднікам, Маціяс быў верным прыхільнікам нямецкіх каралёў і імператараў. Ён быў жанаты з сястрой імператара Фрыдрыха Барбаросы Берце, а жонка самога Фрыдрыха Барбаросы Беатрыса даводзілася Маціясу пляменніцай. Маціяс разам з Конрадам III браў удзел у Другім крыжовым паходзе, суправаджаў Фрыдрыха Барбаросу ў яго італьянскіх паходах і падтрымліваў у барацьбе супраць рымскіх пап Адрыяна IV і Аляксандра III, Францыі і Сіцыліі.

Маціяс варагаваў з многімі сваімі васаламі і суседзямі, уключаючы графаў Бара і біскупаў Туля. Сутыкненне з біскупам Туля за валоданне Гандэрвілем на Мозелі прывяло да адлучэння Маціяса ад царквы па рашэнні Папы Яўгена III (1153). Аднак пры падтрымцы Фрыдрыха Барбаросы ён атрымаў верх над біскупам і стаў называцца графам Туля.

Маціяс шчодра ахвяраваў на цэрквы і заснаваў шэраг кляштароў, у адным з якіх, Клерле, быў пахаваны разам з жонкай.

Шлюб і дзеці

Жонка: з каля 1138 Берта (1123—1195), дачка Фрыдрыха II, герцага Швабіі. Дзеці:

• Сімон II (каля 1140 — 1 красавіка 1206), герцаг Латарынгіі з 1176
• Феры I (да 1155 — 7 красавіка 1206), сеньёр Бітша з 1155, герцаг Латарынгіі з 1205
• Юдыт (каля 1140 — 19 сакавіка пасля 1173); муж: з 1170 Эцьен II (1156—1175), граф Асона
• Аліса (каля 1145 — каля 1200); муж: з 1183 Гуга III (1162—1192), герцаг Бургундыі
• Цьеры (Дытрых) IV (пам. 1181), біскуп Меца 1173—1179
• Мацье II (пам. 1207), граф Туля раней 1180
• дачка

Зноскі

1. Cawley C. Medieval Lands: A prosopography of medieval European noble and royal families Праверана 28 студзеня 2016.

   <a href='https://wikidata.org/wiki/Track:Q13419312'></a><a href='https://wikidata.org/wiki/Track:Q49162812'></a>
2. (unspecified title) Праверана 7 жніўня 2020.
3. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>