Брылеўскі сельсавет

Брыле́ўскі сельсавет — былая адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — вёска Брылі.

Брылеўскі сельсавет
Краіна	Беларусь
Уваходзіць у	Магілёўскі раён
Уключае	10 населеных пунктаў
Адміністрацыйны цэнтр	Брылі
Дата ўтварэння	20 жніўня 1924
Дата скасавання	23 снежня 2009
Насельніцтва (2009)	947
Часавы пояс	UTC+03:00
Код аўтам. нумароў	6

Гісторыя

Утвораны 20 жніўня 1924 года як Машанацкі сельсавет у складзе Лупалаўскага раёна Магілёўскай акругі БССР. Цэнтр — вёска Машанакі. Пасля скасавання акруговай сістэмы 26 ліпеня 1930 года ў Лупалаўскім раёне БССР. З 2 сакавіка 1931 года ў складзе Магілёўскага раёна БССР, з 20 лютага 1938 года — Магілёўскай вобласці. 22 ліпеня 1960 года ў склад Мастоцкага сельсавета перададзены 3 населеныя пункты (Макаўня, Макрусінка і Мацееўшчына)^[1]. 9 снежня 1975 года цэнтр сельсавета перанесены ў вёску Брылі, сельсавет перайменаваны ў Брылеўскі. 23 снежня 2009 года скасаваны, тэрыторыя далучана да Кадзінскага (6 населеных пунктаў: Брылі, Зылі, Каменка, Канстанцінаўка, Качурына, Малееўка) і Мастоцкага (4 населеныя пункты: Зарудзееўка, Макаранцы, Машанакі і Мішкаўка) сельсаветаў^[2].

Насельніцтва

Насельніцтва сельсавета паводле перапісу 2009 года складала 947 чалавек^[3], з іх 93,3 % — беларусы, 4,4 % — рускія, 1,5 % — украінцы^[4].

Склад

У склад сельсавета ўваходзіла 10 населеных пунктаў (2009 г.):

Населены пункт	Статус	Насельніцтва, 2007	Гаспадаркі, 2007	Насельніцтва, 2009[5]
Брылі	вёска	384	151	353
Зарудзееўка	вёска	65	27	48
Зылі	вёска	22	16	17
Каменка	вёска	23	13	19
Канстанцінаўка	вёска	32	21	29
Качурына	вёска	65	30	50
Макаранцы	вёска	340	128	301
Малееўка	вёска	15	12	13
Машанакі	вёска	117	62	85
Мішкаўка	вёска	37	19	32

Зноскі

1. Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
2. Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области
3. Насельніцтва населеных пунктаў Магілёўскай вобласці Беларусі паводле перапісу 2009 года (нявызн.)(недаступная спасылка). Архівавана з першакрыніцы 7 жніўня 2018. Праверана 26 чэрвеня 2022.
4. Этнічны склад насельніцтва сельсаветаў Беларусі паводле перапісу 2009 года
5. Итоговые данные перепеси населения Республики Беларусь 2009 года Архівавана 31 кастрычніка 2021.