Медаль «За ўзяцце Парыжа»

Медаль «За ўзяцце Парыжа 19 сакавіка 1814 года» — узнагарода Расійскай імперыі ў гонар узяцця Парыжа рускімі войскамі.

Медаль «За ўзяцце Парыжа 19 сакавіка 1814 года»
Краіна	Расійская імперыя
Тып	медаль
Дата заснавання	18 (30) жніўня 1814
Колькасць	каля 150 000
Матэрыял	серабро
Памеры	28 міліметр
Медыяфайлы на Вікісховішчы

Гісторыя

Узнагарода была заснавана 30 жніўня 1814 года маніфестам імператара Аляксандра I у сувязі з пераможным узяццем Парыжа рускімі войскамі.

Медаль прызначаўся для ўзнагароджвання ўсіх удзельнікаў узяцця французскай сталіцы — ад салдата да генерала. Аднак узнагароджанне адклалі, паколькі далікатны імператар не хацеў лішні раз нагадваць французам пра нядаўняе прыніжэнне Парыжа. Толькі праз 12 гадоў заслужаныя медалі былі ўручаны героям вайны па загадзе новага імператара Мікалая I, які «…накануне годовщины вступления русских в Париж, 18 марта 1826 года, велел освятить эту медаль на гробнице своего брата (Александра I)».

Выдача ўзнагароды ўдзельнікам працягвалася да 1 мая 1832 года. Усяго было выдадзена больш за 160 тысяч медалёў.

Апісанне

На адным баку сярэбранага медаля змешчана выява Аляксандра I у лаўровым вянку. На адваротным баку, таксама ў лаўровым вянку, — прамы надпіс у пяць радкоў: "ЗА ВЗЯТIЕ ПАРИЖА 19 МАРТА 1814 ГОДА ". Насілі ўзнагароду на грудзях на ўпершыню уведзенай камбінаванай Андрэеўска — Георгіеўскай стужцы. Яна была звычайнай шырыні, але складалася з двух вузкіх стужачак: Андрэеўскай — блакітнай і Георгіеўскай — аранжавай з трыма чорнымі палосамі^[1].

Зноскі

1. Медаль "За ўзяцце Парыжа 19 сакавіка 1814 года" (нявызн.)(недаступная спасылка). Архівавана з першакрыніцы 10 лістапада 2020. Праверана 10 лістапада 2020.