Меланелія сарэдыёзная

Меланелія сарэдыёзная, пармелія сарэдыёзная (Melanelia sorediata ці Parmelia sorediosa, Almb.) — від лішайнікаў сямейства Пармеліявыя.

Меланелія сарэдыёзная
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Меланелія Від:  Меланелія сарэдыёзная
Міжнародная навуковая назва
Melanelia sorediata (Ach.) Goward & Ahti, 1987
Сістэматыка на Віківідах Пошук выяў на Вікісховішчы EOL   6573404 MB   128460

Апісанне

Слаявіна разеткападобная, дыяметрам да 3-4 см, даволі шчыльна прымацаваная да субстрату, часта зліваецца з суседняй слаявінай. Лопасці вузкія, шырынёй да 0,5 мм, малагалінастыя, з вострымі або акруглымі пазухамі. Верхняя паверхня слаявіны карычнева-чорная або аліўкава-карычневая, матавая або бліскучая, з рассеянымі белымі, больш або менш плоскімі акруглымі саралямі; ніжняя — чорная або чорна-карычневая, з кароткімі, рассеянымі рызінамі. Апатэцыі трапляюцца вельмі рэдка.

Пашырэнне

Сустракаецца ў арктычнай, барэальных зонах на раўніне, у Альпійскай і зоне хвойных лясоў у гарах (еўрапейская і азіяцкая часткі Расіі, Паўночная і Сярэдняя Еўропа, Паўночная Амерыка, Грэнландыя)^[1]; на Беларусі знаходзіцца за межамі арэала^[2]. Расце на крамяністых пясчаніках^[3], месцамі росту з'яўляюцца гранітныя валуны і іншыя камяністыя субстраты, якія ўтрымліваюць крэмень.

У Беларусі трапляецца асобнымі разеткамі, радзей утварае суцэльнае покрыва; ахоўваецца^[2].