Мемарыяльная дошка Францыску Скарыну (Прага)

Мемарыяльная дошка Францыску Скарыну — мемарыяльная дошка ў Празе (Чэхія). Прысвечаная беларускаму першадрукару Францыску Скарыну, які выдаў у Празе свой беларускі пераклад Бібліі.

Помнік
Мемарыяльная дошка Францыску Скарыну
50°05′11″ пн. ш. 14°24′59″ у. д.HGЯO
Краіна	Чэхія[1]
Месцазнаходжанне	Стара-Места[1] Прага 1
Скульптар	Алесь Дранец
Дата пабудовы	1996 год
Медыяфайлы на Вікісховішчы

Аўтар мемарыяльнай дошкі беларускі скульптар Алесь Дранец. Устаноўлена ў 1996 годзе на ўсходняй сцяне Клеменцінума, былога езуіцкага калегіума, у Галоўным дворыку Чэшскай Нацыянальнай бібліятэкі, якая цяпер займае будынак. Гэтае месца непасрэднай сувязі з пражскай друкарняй Скарыны не мае^[2].

Апісанне

Дошка Скарыну (па цэнтры) побач з ліпай Рэспублікі (справа)

Францыск Скарына паказаны седзячы з Бібліяй у руках. На яе развароце тэкст, які сустракаецца ў кнігах Скарыны: «Богу ко чти и людем посполитым к доброму научению». Заслугі друкара ўвекавечаны надпісамі на беларускай і чэшскай мовах^[2]:

ФРАНЦИСК СКОРИНА 1517—1519. У Старым месце Пражскім выдатны беларускі асветнік Францішак Скарына выдаў свой беларускі пераклад Бібліі. 1517–1519. Na Starém Městě pražském vynikající běloruský vzdělanec Francišak Skaryna vydal svůj běloruský překlad Bible.

Гл. таксама

• Помнік Францыску Скарыну ў Празе

Зноскі

1. https://www.drobnepamatky.cz/node/24774 Праверана 17 мая 2019.
2. Увекавечанне памяці Скарыны ў Чэхіі / Ілья Лямешкін