Мешхед

Мешхед (перс.: مشهد) — другі горад у Іране пасля Тэгерана паводле колькасці насельніцтва. Знаходзіцца ў даліне ракі Кешэфруд. Адміністрацыйны цэнтр астана Харасан. Чыгуначная станцыя, вузел аўтадарог. Аэрапорт. Гандлёва-прамысловы цэнтр.

Горад Мешхед مشهد Маўзалей Імама Рэзы Краіна  Іран Астан Харасан-Рэзаві Каардынаты 36°18′25″ пн. ш. 59°36′15″ у. д.HGЯO Мэр Сеед Махамед Пежман Заснаваны 818 Плошча 458 км² Вышыня цэнтра 982 м[1] Афіцыйная мова Персідская Насельніцтва 2 868 350 чалавек (2007) Шчыльнасць 6262,77 чал./км² Агламерацыя 4 454 000 чалавек Часавы пояс UTC+3:30 Тэлефонны код ۰۵۱۳ Паштовыя індэксы 1333591886[2] Афіцыйны сайт e-mashhad.ir Мешхед на карце Ірана

Медыяфайлы на Вікісховішчы

Насельніцтва

2 772 287 жыхароў (2011). Каля 95 % насельніцтва — персы.

Геаграфія і клімат

Плошча горада і яго наваколляў перавышае 27000 квадратных кіламетраў. Ён размешчаны прыблізна ў дзевяцістах кіламетрах ад сталіцы Ірана, Тэгерана, на паўночным усходзе краіны. Знаходзіцца недалёка ад горных мясцовасцей Хезер-Дары і Гарэ-Даг на вышыні прыблізна 980 метраў.

Клімат Мешхеда
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	6,7	8,6	14,1	20,8	26,8	32,4	34,4	32,8	28,8	22,0	15,8	9,6	21,0
Сярэдні мінімум, °C	−5,1	−2,9	2,3	7,9	11,8	15,6	17,9	15,3	10,4	5,4	1,3	−2,7	6,4
Норма ападкаў, мм	33	36	52	48	25	3	0	0	1	11	15	26	250
Крыніца: World Climate

Прамысловасць

Тэкстыльная, дрэваапрацоўчая, цэментная, харчасмакавая, гарбарная, металаапрацоўчая. Дыванаткацтва.

Архітэктура

Свяшчэнны горад мусульман-шыітаў. Культавы ансамбль (12-19 ст.) вакол магілы імама Рэзы, у тым ліку 5 медрэсэ, мячэць Гахаршад (15 ст.). Паблізу Мешхеда — магіла персідскага і таджыкскага паэта Фірдаўсі, мячэці маўзалеі 14-17 ст.

Літаратура

• Беларуская энцыклапедыя: У 18 т. Т.10: Малайзія — Мугаджары / Рэдкал.: Г. П. Пашкоў і інш. — Мн.: БелЭн, 2000. — Т. 10. — С. 327. — 544 с. — 10 000 экз. — ISBN 985-11-0169-9 (Т. 10).