Музей Славы Магілёўшчыны

Музей Славы Магілёўшчыны (руск.: Музей Славы Могилёвщины) — музей у горадзе Магілёве, побач з Буйніцкім полем^[1].

Музей Славы Магілёўшчыны
Адкрыты	5 ліпеня 2025
Краіна	Беларусь
Месцазнаходжанне	Магілёў
Адрас	212012, Рэспубліка Беларусь, г. Магілёў, вул. Чалюскінцаў, 208
muzeyslavi.by

Гісторыя

Асноўныя артыкулы: Буйніцкае поле і Магілёўская абарона

Напярэдадні 80-й гадавіны абароны Дняпроўскай мяжы ініцыятыўная група ў складзе кіраўнікоў грамадскіх арганізацый, ветэранаў Вялікай Айчыннай вайны і Узброеных Сіл Рэспублікі Беларусь, пошукавікаў і грамадскасці Магілёва выступіла з прапановай аб рэканструкцыі мемарыяльнага комплексу «Буйніцкае поле» і стварэнні музея^[2].

Узвядзенне музея пачата ў 2023 годзе.

Экспазіцыя размясцілася на двух паверхах будынка, пабудаванага ў выглядзе Ордэна Айчыннай вайны. Гэта сімвалічна, бо Магілёў быў удастоены гэтай узнагароды за мужнасць і стойкасць, праяўленыя працаўнікамі горада ў гады Вялікай Айчыннай вайны, а таксама за поспехі, дасягнутыя ў гаспадарча-культурным будаўніцтве.

5 ліпеня 2025 года музей афіцыйна адкрыты^[1][3]. У адкрыцці музея прыняў удзел Прэзідэнт Рэспублікі Беларусь А. Р. Лукашэнка^[4][5].

Музей з'яўляецца філіялам установы культуры «Магілёўскі абласны краязнаўчы музей імя Я.Р. Раманава».

На тэрыторыі размешчаны Алея Славы. Абласная Дошка гонару.

Экспазіцыя

У экспазіцыі музея адлюстравана наступная тэматыка: «Магілёўшчына на скрыжаваннях гісторыі», «Напярэдадні. Магілёўшчына ў 1930-я гг.», «Магілёўшчына ў гады Вялікай Айчыннай вайны», «Землякі ў лакальных войнах. Воіны-афганцы», «Працоўная Слава Магілёўшчыны». Усяго 16 экспазіцыйных тэм.^[6]

Тэмы музейных экспазіцый

1 паверх

• Зала № 1, № 2 «Магілёў даваенны. Напярэдадні...»
• Зала № 3 «Пачатак вайны...»
• Зала № 4 «Землякі на франтах Вялікай Айчыннай вайны»
• Зала № 5 «Авіяцыя ў абароне Магілёва і Дняпроўскай мяжы»
• Зала № 6 «Артылерыя ў баране Магілёва і Дняпроўскай мяжы»
• Зала № 7 «Народнае апалчэнне. Міліцыя і службы дзяржбяспекі ў абароне г. Магілёва і Дняпроўскай мяжы»
• Зала № 8 «Баі на Буйніцкім полі. Легендарны 388-ы стралковы полк С. Ф. Куцепава»
• Зала № 9 «Апошнія дні абароны. Арганізацыя выхаду з акружэння»
• Зала № 15 «Землякі ў лакальных войнах. Воіны-афганцы»
• Зала № 16 «Працоўная Слава Магілёўшчыны»

2 паверх

• Зала № 10 «Акупацыя»
• Зала № 11 «Падпольны рух»
• Зала № 12 «Партызанскі рух»
• Зала № 13 «Дыверсія на станцыі Асіповічы Магілёўскай вобласці»