Мытная плошча (Львоў)

Мытная плошча — плошча ў Лычакіўскім раёне Львова (Украіна) побач з гістарычным цэнтрам.

Мытная плошча Львоў
Агульная інфармацыя
Краіна	Украіна
Горад	Львоў
Раён	Лычакіўскі раён
Медыяфайлы на Вікісховішчы

Агульная характарыстыка

Плошча невялікая, з бакамі каля 60-80 метраў. З’яўляецца важным транспартным вузлом, праз яе праходзіць большасць трамвайных маршрутаў горада, а таксама шмат гарадскіх і прыгарадных аўтобусных маршрутаў. Заходнюю частку плошчы перасякае вуліца Уладзіміра Віннічэнкі, у паўночнай частцы пачынаецца вуліца Лычакіўская, а ў паўднёва-ўсходняй — вуліца Паўла Рымляніна.

Уздоўж заходняй часткі плошчы цягнуцца муры касцёла і кляштара бернардзінцаў з Глінянскай брамай, уздоўж усходняй часткі — касцёл кларысак з жылым корпусам. Сёння ў касцёле размешчаны музей сакральнай барочнай скульптуры, а ў жылым корпусе — паліграфічны каледж Украінскай акадэміі друкарства). У паўднёва-ўсходняй частцы плошчы размешчаны невялічкі сквер і фантан.

Назва плошчы паходзіць ад таго, што з 1782 года ў памяшканнях манастыра размяшчалася аўстрыйская мытня.

Спасылкі

• На Вікісховішчы ёсць медыяфайлы па тэме Мытная плошча (Львоў)