Мядовая прэмія

Брэсцкая мядовая літаратурная прэмія — штогадовая літаратурная прэмія Брэстчыны, заснаваная ў 2001 годзе пружанскім паэтам-пчаляром Міколам Папекам супольна з Саюзам беларускіх пісьменнікаў^[1]. Пераможца атрымоўвае пуд мёду. Напачатку ўручэнне прэміі адбывалася ў Пружанах, аднак у апошнія гады пераважна адбываюцца «выязныя імпрэзы», калі ўзнагароджанне адбываецца ў родных мясцінах лаўрэатаў. Уладальнікамі прэміі могуць стаць толькі звязаныя з Брэстчынай літаратары.

Брэсцкая мядовая літаратурная прэмія
Тып	літаратурная прэмія[d]
Заснавальнік	Мікола Папека
Заснаванне	2001
Краіна	Беларусь
Статус	літаратурная прэмія Брэстчыны
Медыяфайлы на Вікісховішчы

Узнагароджанне спынілася пасля 2020 года праз палітычны пераслед Міколы Папекі за ўдзел у пратэстах супраць фальсіфікацыі прэзідэнцкіх выбараў^[2].

Пераможцы

• Алесь Каско^[3] (2001)
• Мікола Купрэеў^[3] (2002)^[4] за аповесць «Пастух у космасе»
• Валерый Грышкавец^[3] (2004)
• Валянціна Кукса (2005) за кнігу прозы «Кнігаўка»
• Аляксей Філатаў, Іван Мельнічук (2006)
• Леанід Галубовіч (2007)
• Кастусь Жмінько^[5], Лявон Валасюк (2008)^[6]
• Алесь Корнеў (2009) за зборнік вершаў «Неўтаймоўны сэксафон»^[7]
• Алесь Зайка (2011) за кнігу «Дым з коміна»^[8]
• Васіль Дэбіш (2012)^[9] за кнігу «Праз дождж»^[10]
• Ніна Горык (2013)^[11]
• Павел Ляхновіч (2015)^[12]
• Мікола Сянкевіч (2016)^[13]
• Валерый Гапееў (2017) — за літаратурныя дасягненні апошніх гадоў^[14]
• Мікола Пракаповіч (2018) за зборнік вершаў «Прытулак памяці»^[15].
• Мікола Аляхновіч (2019) за зборнік «Вясновы роздум»^[16].