Мікалай Мікалаевіч Аляхновіч (нар. 1953)

У Вікіпедыі ёсць артыкулы пра іншых асоб з падобнымі імёнамі, гл. Аляхновіч і Мікалай Аляхновіч.

Мікалай Мікалаевіч Аляхновіч (14 студзеня 1953, в. Валішча, Пінскі раён, Брэсцкая вобласць — 6 чэрвеня 2022, Брэст) — беларускі лінгвіст, выкладчык, перакладчык, навуковец, паэт. Кандыдат філалагічных навук (1983), дацэнт.

Мікалай Мікалаевіч Аляхновіч
Дата нараджэння	14 студзеня 1953(1953-01-14)
Месца нараджэння	Валішча, Валішчанскі сельсавет, Пінскі раён, Пінская вобласць, Беларуская ССР, СССР
Дата смерці	6 чэрвеня 2022(2022-06-06) (69 гадоў)
Месца смерці	Брэст, Брэсцкая вобласць, Беларусь
Род дзейнасці	мовазнавец, выкладчык універсітэта, перакладчык, паэт
Месца працы	філалагічны факультэт БрДУ імя А. С. Пушкіна Будапешцкі ўніверсітэт
Навуковая ступень	кандыдат філалагічных навук (1983)
Навуковае званне	дацэнт
Альма-матар	філалагічны факультэт БрДУ імя А. С. Пушкіна (1974)
Член у	Саюз беларускіх пісьменнікаў
Прэміі	Мядовая прэмія (2019)

Біяграфія

Нарадзіўся 14 студзеня 1953 года ў вёсцы Валішча Пінскага раёна. Скончыў філалагічны факультэт Брэсцкага дзяржаўнага педагагічнага інстытута ў 1974 годзе. Кандыдат філалагічных навук (1983), дацэнт. За час працы на факультэце працаваў намеснікам дэкана, дэканам філалагічнага факультэта, у 1993—1995 гадах працаваў на кафедры ўсходнеславянскай і балтыйскай філалогіі факультэта гуманітарных навук Будапешцкага ўніверсітэта імя Лоранда Этвеша (Венгрыя). З ліпеня 2013 года — дацэнт на кафедры беларускага мовазнаўства і дыялекталогіі БрДУ імя Пушкіна.

Сябра Саюза беларускіх пісьменнікаў.

Памёр 6 чэрвеня 2022 года ў Брэсце. Пахаваны на Паўночных могілках пад Брэстам^[1].

Дзейнасць

Займаўся навукова-даследчыцкай і літаратурнай дзейнасцю. Аўтар вершаваных зборнікаў «Жыццёвае веры прадзіва» (2006), «Святло дарогі» (2010), «Вясновы роздум» (Брэст, 2020), кнігі перакладаў «Такая тонкая размовы ніць» (2013)^[2].

Узнагароды

Лаўрэат Мядовай прэміі за зборнік «Вясновы роздум» (2019)^[3].

Зноскі

1. Аблажэй — Брыль – Белліт  (бел.) (14 ліпеня 2023). Праверана 18 ліпеня 2024.
2. Аляхновіч Мікола – Белліт  (бел.) (6 ліпеня 2023). Праверана 21 сакавіка 2024.
3. Мікола Папека, фігурант крымінальнай справы «за карагод», уручыў сваю «Мядовую прэмію» пасьля допыту  (бел.). Радыё Свабода (17 снежня 2020). Праверана 21 сакавіка 2024.