Міжнародны валютны фонд

Міжнародны валютны фонд, МВФ (англ.: International Monetary Fund, IMF) — міжнародная арганізацыя, якая назірае за глабальнай фінансавай сістэмай, макраэканамічнай палітыкай дзяржаў-членаў МВФ, асабліва за абменнымі курсамі валют і плацежным балансам. Арганізацыя ўтворана, каб стабілізаваць міжнародныя абменныя курсы і садзейнічаць эканамічнаму развіццю. МВФ таксама прапануе крэдыты, галоўным чынам для краін, якія перажываюць эканамічныя цяжкасці. Штаб-кватэра МВФ размешчана ў Вашынгтоне (ЗША).

Міжнародны валютны фонд (МВФ)
Дзяржавы — члены МВФ
Краіна	ЗША[1][2]
Штаб-кватэра	Вашынгтон, ЗША
Тып арганізацыі	Спецыялізаваная ўстанова ААН
Афіцыйныя мовы	англійская
Кіраўнікі
Распараднік	Крысцін Лагард[3]
Заснаванне
Стварэнне хартыі МВФ	22 ліпеня 1944
Афіцыйная дата стварэння МВФ	27 снежня 1945
Пачатак дзейнасці	1 сакавіка 1947
Колькасць супрацоўнікаў	▲2 908 чал. (30 красавіка 2022)[4]
Матчыная арганізацыя	Арганізацыя Аб’яднаных Нацый
Член у	187 дзяржаў-членаў
www.imf.org
Медыяфайлы на Вікісховішчы

Будынак МВФ (Вашынгтон)

Функцыі МВФ

• садзейнічанне міжнароднаму супрацоўніцтву ў грашовай палітыцы;
• развіццё сусветнага гандлю;
• крэдытаванне краін-удзельніц;
• стабілізацыя грашовых курсаў.

Удзельнікі

Асноўны артыкул: Удзельнікі Міжнароднага валютнага фонду

У якасці дзяржаў-заснавальніцаў у фондзе напачатку бралі ўдзел Балівія, Брытанія, Бельгія, Гандурас, Гватэмала, Грэцыя, Дамініканская Рэспубліка, ЗША, Індыя, Ірак, Іран, Ісландыя, Калумбія, Канада, Кітай, Куба (да 2 красавіка 1964 г.), Люксембург, Нарвегія, Нідэрланды, Парагвай, Паўднёвая Афрыка, Польшча (да 1950 г., аднавіла ўдзел 12 чэрвеня 1986 г.), Філіпіны, Францыя, Чэхаславакія (да 1954 г.), Егіпет, Эквадор і Эфіопія. Колькасць удзельнікаў устойліва павялічвалася і ў чэрвені 2010 года дасягнула 185 дзяржаў.

Урад Беларусі бярэ ўдзел у МВФ з 10 ліпеня 1992 года^[5]. Урады ўсіх сумежных з Беларуссю краін таксама з’яўляюцца яго ўдзельнікамі. Урад Польшчы — ад заснавання фонду, Літвы — з 29 красавіка 1992 г.^[6], Латвіі — з 19 мая 1992 г.^[7], Расіі — з 1 чэрвеня 1992 г.^[8], Украіны — з 3 верасня 1992 года^[9].

У Беларусі

14 красавіка 2009 года, пасля чатырохгадовага перапынку, МВФ аднавіў у Беларусі пасаду свайго сталага прадстаўніка. Яе заняла Наталля Калядзіна, якая раней працавала старшым эканамістам Еўрапейскага аддзелу МВФ^[10].

Зноскі

1. Global Research Identifier Database — 2015. Праверана 13 чэрвеня 2020.

   <a href='https://wikidata.org/wiki/Track:Q27768150'></a>
2. Global LEI index Праверана 17 верасня 2024.

   <a href='https://wikidata.org/wiki/Track:Q55259097'></a>
3. Крысцін Лагард стала першай жанчынай, якая ўзначаліла МВФ
4. https://www.imf.org/external/pubs/ft/ar/2022/downloads/web-tables.pdf
5. Беларусь: грашовае становішча ў Фондзе па стане на 30 верасня 2010 (англ.). Даныя і статыстыка. Міжнародны валютны фонд (23 кастрычніка 2010).
6. Літва: грашовае становішча ў Фондзе па стане на 30 верасня 2010 (англ.). Даныя і статыстыка. Міжнародны валютны фонд (23 кастрычніка 2010).
7. Латвія: грашовае становішча ў Фондзе па стане на 30 верасня 2010 (англ.). Даныя і статыстыка. Міжнародны валютны фонд (23 кастрычніка 2010).
8. Расійская Федэрацыя: грашовае становішча ў Фондзе па стане на 30 верасня 2010 (англ.). Даныя і статыстыка. Міжнародны валютны фонд (23 кастрычніка 2010).
9. Украіна: грашовае становішча ў Фондзе па стане на 30 верасня 2010 (англ.). Даныя і статыстыка. Міжнародны валютны фонд (23 кастрычніка 2010).
10. МВФ займеў сталага прадстаўніка ў Беларусі// Радыё «Свабода». 14 красавіка 2009