Мікалай Іванавіч Святаполк-Мірскі

Мікалай Іванавіч Святаполк-Мірскі (5 ліпеня 1833, Санкт-Пецярбург — 15 ліпеня 1898, Мір) — князь, прадстаўнік роду Святаполк-Мірскіх, сын Тамаша Тэафіла Яна, генерал-ад’ютант, генерал ад кавалерыі, член Дзяржаўнага Савета, адзін з уладальнікаў Мірскага замка.

Мікалай Іванавіч Святаполк-Мірскі
Нараджэнне	5 (17) ліпеня 1833[1] Санкт-Пецярбург, Расійская імперыя
Смерць	27 кастрычніка 1898(1898-10-27) (65 гадоў) Расія
Месца пахавання	Капліца-пахавальня Святаполк-Мірскіх
Род	Святаполк-Мірскія
Бацька	Томаш Багуміл Святаполк-Мірскі[d][2]
Жонка	Vera Svyatopolk-Mirskaya[d][3] і Клеапатра Міхайлаўна Святаполк-Мірская[3]
Дзеці	Ilya Svyatopolk-Mirsky[d][2], Міхаіл Мікалаевіч Святаполк-Мірскі[2], Ivan Svyatopolk-Mirsky[d][2], Dmitry Svyatopolk-Mirsky[d][2], Vladimir Svyatopolk-Mirsky[d][2] і Semyon Svyatopolk-Mirsky[d][2]
Адукацыя	Пажаскі корпус
Прыналежнасць	Расійская імперыя
Род войскаў	пяхота
Званне	Генерал ад кавалерыі
Камандаваў	77th Tenginsky Infantry Regiment[d]
Бітвы	Руска-турэцкая вайна
Узнагароды
Медыяфайлы на Вікісховішчы

Скончыў Пажаскі корпус. Вайсковую службу пачаў на Каўказе. У Руска-турэцкую вайну 1877—78 камандаваў дывізіяй. Камандаваў габраўскім атрадам, які штурмаваў Шыпкінскі перавал у Балгарыі. У тым атрадзе знаходзіўся сын расійскага імператара Мікалая I вялікі князь Мікалай Мікалаевіч.

У 1868 годзе Мікалай Іванавіч узяў шлюб з Клеапатрай Міхайлаўнай Ханыкавай, на вяселлі прысутнічаў сам імператар Мікалай I з жонкай. Ад гэтага шлюбу князь меў сем дзяцей.

З 1881 года наказны атаман Войска Данскога. У 1891 годзе набыў маёнтак, у які ўваходзіў у тым ліку і Мірскі замак, дзе збіраўся ўладкаваць радавое гняздо. Не стаўшы аднаўляць знаходзіўшыся ў дрэнным стане замак, пабудаваў побач палац і вінакурны завод, заклаў парк, вырыў каля замка сажалку.

Пахаваны ў радавой капліцы-пахавальні. Доўгі час паводле ўскосных сведчанняў лічылася, што князь быў пахаваны ў сутарэннях Мікалаеўскай царквы. Ва ўспамінах Марыі Святаполк-Мірскай ёсць дакладныя звесткі, што першапачаткова часова Мікалай Святаполк-Мірскі быў сапраўды пахаваны ў царкве, як і ягоны сын Уладзімір ў 1906 годзе, і толькі пасля заканчэння будаўніцтва пахавальні яны былі перапахаваны. Ва ўспамінах Марыі пра княгіню Клеапатру Міхайлаўну напісана наступнае: «Пахаваная ў сямейным склепе ў Міры паміж мужам і сынам Уладзімірам»^[4].

Зноскі

1. Lundy D. R. Prince Nicolai Ivanovitch Sviatopolk-Mirsky // The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. (unspecified title) Праверана 7 жніўня 2020.
4. Ольга Новицкая Новицкая, О.В. Историко-архивные изыскания о роде князей Святополк-Мирских в аспекте научно-исследовательской работы в музее // Культура Беларуси: реалии современности (Минск, 10 октября 2019 г.): сборник научных статей. – Минск: БГУКИ, 2019. – С. 380–385.. — 2019-01-01.