Мікалай Аляксеевіч Драненка

Мікалай Аляксеевіч Драненка (нар. 3 жніўня 1946, в. Маргойцы, Сенненскі раён) — беларускі мастак. Член Беларускага саюза мастакоў (1989).

Мікалай Аляксеевіч Драненка
Дата нараджэння	3 жніўня 1946(1946-08-03) (79 гадоў)
Месца нараджэння	Маргойцы, Беліцкі сельсавет, Сенненскі раён, Віцебская вобласць, Беларуская ССР, СССР
Род дзейнасці	мастак
Вучоба	мастацка-графічны факультэт ВДУ (1969)
Уплыў	Іван Міхайлавіч Сталяроў і Яўгеній Яўстафавіч Красоўскі
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Драненка.

Біяграфія

Скончыў мастацка-графічны факультэт Віцебскага педагагічнага інстытута (1969). Вучыўся ў I. Сталярова, Я. Красоўскага. Працуе пераважна ў акварэлі, у жанры лірычнага пейзажу. Асноўныя творы: акварэльныя цыклы «Лукомская ДРЭС», «Помнікі дойлідства Віцебшчыны», «Гарадскія рытмы», «Здраўнёва», «Азёрны край», «Маё Прыдзвінне», «Беліцкі маёнтак», «Белае возера», «Над Дзвіной», «Там, дзе Лучоса ўпадае ў Дзвіну», а таксама лісты «Квітнеюць сады», «Блакітная вада», «Бярозавы сок», «Касцёл у Камаях», «Партрэт Г. Ляцкалава».

Творы М. Драненкі знаходзяцца ў фондах БСМ, Віцебскім краязнаўчым музеі, галерэі «Маладое мастацтва» (г. Шчэцін, Польшча).

Зноскі