Мікалай Андрэевіч Малевіч

У Вікіпедыі ёсць артыкулы пра іншых людзей з прозвішчам Малевіч.

Мікалай Андрэевіч Мале́віч (1898, Лібава, Курляндская губерня, Расійская імперыя — 1944) — беларускі графік. Бацька беларускага архітэктара Юрыя Малевіча.

Мікалай Андрэевіч Малевіч
Дата нараджэння	1898
Месца нараджэння	Лібава, Гробінскі павет, Курляндская губерня, Расійская імперыя
Дата смерці	23 кастрычніка 1944(1944-10-23)
Дзеці	Юрый Мікалаевіч Малевіч
Род дзейнасці	мастак
Месца працы	Чырвоная змена
Медыяфайлы на Вікісховішчы

Творчасць

Ілюстрацыя да казкі «Канёк-гарбунок» Пятра Яршова, 1938 год.

Працаваў пераважна ў кніжнай графіцы. У 1920—1930-я гады працаваў у газеце «Чырвоная змена», рабіў ілюстрацыі да часопісаў «Іскры Ільіча» і «Беларускі піянер». Аформіў кнігі для дзяцей «Першы дзень у дзіцячым садзе» (1928), «Пра смелага ваяку Мішку і яго слаўных таварышаў» М. Лынькова (1937), «Казка пра рыбака і рыбку» А. Пушкіна, «Канёк-гарбунок  (руск.)» П. Яршова (абедзве 1938), «Верабейчык» Я. Герасімовіча (1939), «Як дзядзька Тамаш напалохаў ваўкоў» К. Чорнага (1941). У 1920-я гады працаваў і як карыкатурыст (8 пано-плакатаў «Падпал рэйхстага Ван дэр Любэ»).