Мікалай Завіша

Мікалай Завіша (каля 1585 — 1639) — дзяржаўны дзеяч Вялікага Княства Літоўскага. Рэферэндар свецкі вялікі літоўскі (1625—1626), кашталян віцебскі (з 1626).

Мікалай Завіша
Мікалай Завіша. Невядомы мастак, сяр. XVII ст.
Герб «Лебедзь»
Кашталян віцебскі 1626 — 1639
Папярэднік	Сымон Самуэль Сангушка
Пераемнік	Яўстах Курч
Нараджэнне	1585
Смерць	1647(1647)
Род	Завішы
Бацька	Ян Завіша
Маці	Анастасія Трызна
Жонка	Альжбета Радзівіл
Медыяфайлы на Вікісховішчы

Біяграфія

З шляхецкага роду Завішаў герба «Лебедзь», сын Яна і Анастасіі з Трызнаў.

5 сакавіка 1621 як прадстаўнік караля ў Віцебску загадаў чальцам мескага магістрату і некаторым мяшчанам з'явіцца 7 сакавіка ў ратушу на суд у сувязі з бунтам 3 сакавіка і іншымі выпадкамі непадпарадкавання ўладыку Язафату Кунцэвічу і духавенству. Аднак спроба прыцягнуць віцебскіх мяшчан да суду скончылася новым мяцяжом^[1].

Сям'я

Другая жонка — Альжбета Радзівіл (1592—1627), дачка Станіслава Радзівіла. Пакінуў толькі дачок^[2], з якіх Людвіка была адной з першых менскіх бернардынак^[3].

Зноскі

1. Алена Вернікоўская. Супраціў праваслаўнага насельніцтва Полацкай епархіі ўвядзенню уніі // Беларускі гістарычны агляд. Т. 8. Сш. 1—2. 2001.
2. Вячаслаў Насевіч. Завішы // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 527 с. — 10 000 экз. — ISBN 985-11-0041-2. С. 394.
3. Уладзімір Дзянісаў. Касцёлы г. Мінска ў XVI – пачатку XX стст. (паводле дакументаў НГАБ) Архівавана 9 лістапада 2011.