Мікалай Камеданус

Мікалай Камеданус (Рамеданус; ? — 1434) — дзеяч каталіцкай царквы. Паходзіў з Польшчы. Месца атрымання адукацыі невядома, не меў навуковай ступені, але ведаў жамойцкую мову. Пробашч троцкі, відаць, быў сакратаром вялікага князя літоўскага Вітаўта. У 1422 годзе прызначаны Ягайлам і Вітаўтам на пасаду біскупа жамойцкага, зацверджаны рымскім папам у 1423 годзе і паўторна ў 1425 годзе, кансекраваны ў другой палове 1427 — першай палове 1428 года. Некаторыя гісторыкі атаясамлівалі Камедануса з віленскім біскупам Мікалаем Дзержкавічам.

Мікалай Камеданус
біскуп жамойцкі 25 ліпеня 1423 — 1434
Папярэднік	Мацей з Вільні
Пераемнік	Пётр з Львова[d]
Дзейнасць	каталіцкі святар, каталіцкі біскуп
Смерць	1434

Літаратура

• Пазднякоў В. Камеданус (Рамеданус) Мікалай // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 255. — 696 с. — ISBN 978-985-11-0487-7 (т. 3), ISBN 985-11-0315-2.
• Błaszczyk G. Diecezja żmudzka od XV do początku XVII w.: Ustrój. Poznań, 1993.

Спасылкі

• Мікалай Камеданус на сайце Электронная энцыклапедыя «Вялікае Княства Літоўскае»