Мікалай Максімавіч Раганоўскі

Мікалай Максімавіч Рагано́ўскі^[1] (руск.: Николай Максимович Рогановский; нар. 24 жніўня 1942) — матэматык і педагог, доктар педагагічных навук (1999), прафесар (1996).

Мікалай Максімавіч Раганоўскі
Дата нараджэння	24 жніўня 1942(1942-08-24) (83 гады)
Месца нараджэння	Новасімбірка[d], Кувандыкскі раён[d], Арэнбургская вобласць, РСФСР, СССР
Грамадзянства	СССР  Беларусь
Род дзейнасці	матэматык, педагог
Месца працы	МДУ імя А. А. Куляшова
Навуковая ступень	доктар педагагічных навук (1999)
Навуковае званне	прафесар
Альма-матар	Орскі дзяржаўны педагагічны інстытут імя Т. Р. Шаўчэнкі
Узнагароды

Біяграфія

Нарадзіўся ў сяле Новасімбірка (Кувандыкскі раён Арэнбургскай вобласці, Расія). У 1964 годзе скончыў Орскі дзяржаўны педагагічны інстытут імя Т. Р. Шаўчэнкі па спецыяльнасці «Матэматыка. Фізіка», у 1969 годзе — аспірантуру пры Навукова-даследчым інстытуце агульнай педагогікі Акадэміі педагагічных навук СССР^[2]. З 1972^[1] года працуе ў Магілёўскім дзяржаўным універсітэце імя А. А. Куляшова. Займаў пасаду дацэнта. З 1994^[1] года прафесар кафедры методыкі выкладання матэматыкі факультэта матэматыкі і прыродазнаўства. У 1998 годзе абараніў доктарскую дысертацыю «Научно-методические основы конструирования учебника геометрии средней школы»^[2].

Навуковая дзейнасць

Аўтар прац па інтэграцыйных падыходах, сучасных тэхналогіях і методыцы навучання матэматыцы, праблемах школьнага падручніка матэматыкі, падручнікаў па геаметрыі для школ з паглыбленым вывучэннем матэматыкі.

Сярод публікацый:

• Векторное построение в стереометрии / Н. М. Рогановский, А. А. Столяр. — Мн.: Народная асвета, 1974.
• Вектары ў курсе геаметрыі сярэдняй школы. — Мн., 1977.
• Методика преподавания математики в средней школе. — Мн., 1990.
• Научно-методические основы построения учебника геометрии средней школы. — Мн., 1992.
• Геометрия: учебное пособие для 10-го класса общеобразовательных учреждений с русским языком обучения с 12-летним сроком обучения (углубленный уровень) / Н. М. Рогановский, Е. Н. Рогановская, О. И. Тавгень. — Мн., 2007.
• Школьный электронный учебник математики: технология разработки и использования. / Н. М. Рогановский, Е. Н. Рогановская, О. И. Тавгень. // Матэматыка: праблемы выкладання, 2007, № 2.

Узнагароды і званні

Узнагароджаны граматай Міністэрства асветы БССР (1978), граматамі Міністэрства адукацыі Рэспублікі Беларусь (2003, 2008, 2012), нагрудным знакам «Выдатнік адукацыі Рэспублікі Беларусь» (1998)^[2].

Зноскі

1. БелЭн 2001.
2. Вучоныя Беларусі. Раганоўскі, Мікалай Максімавіч (доктар педагагічных навук; матэматыка; нар. 1942)