Мікалай Мікалаевіч Кудзяньчук

Мікалай Мікалаевіч Кудзяньчук (нар. 7 снежня 1969, г. Драгічын) — беларускі ўрач, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Мікалай Мікалаевіч Кудзяньчук
Нараджэнне	7 снежня 1969(1969-12-07) (55 гадоў) Драгічын, Драгічынскі раён, Брэсцкая вобласць, Беларуская ССР, СССР
Адукацыя	БДМУ ІПКіПКАЗ
Месца працы	Рэчыцкая цэнтральная раённая бальніца[d] Гомельскі абласны выканаўчы камітэт Белмедтэхніка[d]
Узнагароды	Ганаровая грамата Міністэрства аховы здароўя Рэспублікі Беларусь[d]

У Вікіпедыі ёсць артыкулы пра іншых людзей з прозвішчам Кудзяньчук.

Біяграфія

Нарадзіўся 7 снежня 1969 года ў г. Драгічыне Брэсцкай вобласці^[1].

Скончыў Мінскі дзяржаўны медыцынскі інстытут па спецыяльнасці «Лячэбная справа»; Беларускую акадэмію паслядыпломнай адукацыі па спецыяльнасці «Урач-арганізатар»^[1].

Працаваў урачом-тэрапеўтам, намеснікам галоўнага ўрача па ўрачэбна-працоўнай экспертызе, намеснікам галоўнага ўрача па медыцынскім абслугоўванні насельніцтва Рэчыцкай цэнтральнай раённай бальніцы; намеснікам начальніка галоўнага ўпраўлення аховы здароўя Гомельскага абласнога выканаўчага камітэта; генеральным дырэктарам УП «Белмедтэхніка»; начальнікам галоўнага ўпраўлення па ахове здароўя Гомельскага абласнога выканаўчага камітэта^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Рагачоўскай акругі № 45. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[1].

Узнагароды

Узнагароджаны медалём «За працоўныя заслугі», Ганаровай граматай Міністэрства аховы здароўя Рэспублікі Беларусь^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь