Мікалай Пятровіч Панцялей

Мікала́й Пятро́віч Панцяле́й (нар. 10 студзеня 1953, в. Касцюкі, Барысаўскі раён, Мінская вобласць) — беларускі дзяржаўны дзеяч, міністр сувязі і інфарматызацыі Рэспублікі Беларусь^[1].

Мікалай Пятровіч Панцялей
Міністр сувязі і інфарматызацыі Рэспублікі Беларусь 5 мая 2006 года — 27 снежня 2014 года
Прэзідэнт	Аляксандр Лукашэнка
Кіраўнік урада	Сяргей Сідорскі (да 28 снежня 2010), Міхаіл Мясніковіч
Папярэднік	Уладзімір Ганчарэнка
Пераемнік	Сяргей Папкоў
Нараджэнне	10 студзеня 1953(1953-01-10) (72 гады) Касцюкі, Весялоўскі сельсавет, Барысаўскі раён, Мінская вобласць, Беларуская ССР, СССР
Партыя	КПСС (да 1991 г.)
Адукацыя	Мінскі радыётэхнічны інстытут (1975)
Узнагароды

Біяграфія

У 1975 годзе скончыў Мінскі радыётэхнічны інстытут па спецыяльнасці «радыётэхніка». З 1975 года — інжынер на Мінскім электрамеханічным заводзе, пасля начальнік канструктарскага бюро, начальнік аддзела, намеснік сакратара парткама з правамі райкама, вызваленым сакратаром парткама з правамі райкама, галоўным інжынерам завода. У 1994 годзе прызначаны дырэктарам электрамеханічнага завода.

З 2003 па 2004 гады — першы намеснік кіраўніка адміністрацыі Ленінскага раёна Мінска. У 2004—2005 гг. — кіраўнік адміністрацыі Кастрычніцкага раёна Мінска. У 2005—2006 гг. — першы намеснік старшыні Мінскага гарадскога выканаўчага камітэта. З мая 2006 года да снежня 2014 года — міністр сувязі і інфарматызацыі Рэспублікі Беларусь.

Узнагароды

• Лаўрэат Дзяржаўнай прэміі Рэспублікі Беларусь у галіне навукі і тэхнікі (2002, у аўтарскім калектыве) — за працу «Распрацоўка, асваенне ў вытворчасці і экспартная пастаўка новага пакалення палявой аўтаматызаванай сістэмы кіравання групоўкай ракетных войск»^[2].

Зноскі

1. Указ Президента Республики Беларусь от 5 мая 2006 г. № 290 (руск.). Нацыянальны прававы інтэрнэт-партал Рэспублікі Беларусь (3 верасня 2010).(недаступная спасылка)
2. Указ Президента Республики Беларусь от 23 апреля 2003 г. № 170 (руск.). Нацыянальны прававы інтэрнэт-партал Рэспублікі Беларусь (3 верасня 2010).(недаступная спасылка)