Мікалай Пятровіч Ярчак

Мікалай Пятровіч Ярча́к (нар. 25 мая 1950, в. Гошчава, Івацэвіцкі раён Брэсцкай вобл.) — беларускі хімік. Доктар хімічных навук (1991), прафесар (1998).

Мікалай Пятровіч Ярчак
Дата нараджэння	25 мая 1950(1950-05-25) (75 гадоў)
Месца нараджэння	Гошчава, Гошчаўскі сельсавет, Івацэвіцкі раён, Брэсцкая вобласць, Беларуская ССР, СССР
Грамадзянства	СССР  Беларусь
Род дзейнасці	хімік
Месца працы	Інстытут арганічнага сінтэзу Акадэміі навук Латвіі[d] Брэсцкі дзяржаўны ўніверсітэт імя А. С. Пушкіна Аддзел праблем Палесся НАН Беларусі[d]
Навуковая ступень	доктар хімічных навук (1991)
Навуковае званне	прафесар
Альма-матар	БДУ (1971)

У Вікіпедыі ёсць артыкулы пра іншых людзей з прозвішчам Ярчак.

Біяграфічныя звесткі

Скончыў БДУ (1971). 3 1971 у Інстытуце арганічнага сінтэзу АН Латвіі. 3 1996 у Брэсцкім універсітэце (загадчык кафедры). 3 2000 дырэктар-арганізатар Аддзела праблем Палесся Нацыянальнай АН Беларусі.

Навуковая дзейнасць

Навуковыя працы па тэарэтычнай, арганічнай і медыцынскай хіміі, пытаннях аграхіміі, экалогіі і воднай гаспадаркі, тэорыі кампенсацыі электрычнага поля малекул. Прапанаваў спосаб вызначэння структурных параметраў малекул у вадкім стане і растворы. Сінтэзаваў семікаардынаваныя злучэнні крэмнію, эксперыментальна пацвердзіў існаванне новага тыпу вадароднай сувязі. Распрацаваў безынсектыцыдны спосаб аховы паслёнавых ад каларадаскага жука, экалагічную сістэму ачысткі бытавых сцёкаў.

Выбраная бібліяграфія

• Элементоорганические производные фурана: Синтез и масс-спектрометрическое исследование 2-карбофункциональных 5-фурилсиланов (у сааўт.) // Журн. общей химии. 1984. Т. 54, вып. 6.
• Да пытання мадэлявання некаторых глебаўтваральных працэсаў // Прыроднае асяроддзе Палесся: сучасны стан і яго змены: Матэрыялы міжнар. навук. канф. Брэст, 2002. Ч. 1.

Зноскі