Мікалай Фаміч Шындзікаў

Мікалай Фаміч Шы́ндзікаў^[2] (30 кастрычніка 1925, вёска Любіж, Горацкі раён, Магілёўская вобласць — 22 студзеня 1945) — удзельнік Вялікай Айчыннай вайны, Герой Савецкага Саюза (1945).

Мікалай Фаміч Шындзікаў
Дата нараджэння	30 кастрычніка 1925(1925-10-30)[1]
Месца нараджэння	Любіж, Любіжскі сельсавет, Горацкі раён, Аршанская акруга, Беларуская ССР, СССР
Дата смерці	22 студзеня 1945(1945-01-22) (19 гадоў)
Месца смерці	Інаўроцлаў, Інаўрацлаўскі павет, Куяўска-Паморскае ваяводства, Польшча
Грамадзянства	СССР
Прыналежнасць	СССР
Званне	сяржант
Бітвы/войны	Вялікая Айчынная вайна
Узнагароды і званні

Біяграфія

З сялян. Скончыў пяць класаў Цімохаўскай сямігодкі. У 1939 годзе сям’я пераехала ў сяло Тэнгулы Марыінскага раёна Кемераўскай вобласці. Вучыўся ў школе механізатараў пры Благавешчанскай МТС і стаў трактарыстам. У 1943 годзе прызваны ў Чырвоную Армію. У 1944 годзе скончыў школу механікаў-вадзіцеляў^[2]. Механік-вадзіцель танка Т-34 М. Шындзікаў ваяваў на 1-м Беларускім фронце. Удзельнічаў у вызваленні Польшчы. Пры авалоданні польскім горадам Інаўрацлавам 22 студзеня 1945 года экіпажам танка было знішчана 41 аўтамашына, 4 самалёты, 56 фашыстаў. У гэтым баі гвардыі сяржант Шындзікаў М. Ф. загінуў. Пасмяротна прысвоена званне Героя Савецкага Саюза.