Мікалай Цімафеевіч Вараб’ёў

У Вікіпедыі ёсць артыкулы пра іншых асоб з падобнымі імёнамі, гл. Вараб’ёў і Мікалай Вараб’ёў.

Мікалай Цімафеевіч Вараб’ёў (нар. 21 чэрвеня 1951, в. Кашалёўка, злілася з в. Гаўрыленка, Касцюковіцкі раён, Магілёўская вобласць) — беларускі матэматык. Доктар фізіка-матэматычных навук (1998), прафесар (1997).

Мікалай Цімафеевіч Вараб’ёў
Дата нараджэння	21 чэрвеня 1951(1951-06-21) (74 гады)
Месца нараджэння	Кашалёўка[d], Касцюковіцкі раён, Магілёўская вобласць, Беларуская ССР, СССР
Месца працы	факультэт матэматыкі і інфармацыйных тэхналогій ВДУ імя П. М. Машэрава
Навуковая ступень	доктар фізіка-матэматычных навук (1998)
Навуковае званне	прафесар (1997)
Альма-матар	Віцебскі дзяржаўны педагагічны інстытут (1972)
Узнагароды

Біяграфія

Скончыў Віцебскі дзяржаўны педагагічны інстытут імя С. М. Кірава (спецыяльнасць «Матэматыка», 1972), Гомельскі дзяржаўны ўніверсітэт (аспірантура, спецыяльнасць «Матэматычная логіка, алгебра і тэорыя лікаў», 1976).

Працуе ў Віцебскім дзяржаўным універсітэце імя П. М. Машэрава (з 1974, факультэт матэматыкі і інфармацыйных тэхналогій, кафедра алгебры і методыкі выкладання матэматыкі, з 1997 — загадчык кафедры).

Навуковыя інтарэсы: тэорыя класаў канечных груп; методыка выкладання матэматыкі ў школе і ВНУ.

Узнагароды

Нагрудны знак «Выдатнік адукацыі» (2006), Падзяка Старшыні Вышэйшай атэстацыйнай камісіі Рэспублікі Беларусь (2009), медаль Францыска Скарыны (2011) і інш.

Бібліяграфія

• Развитие локального метода Хартли в теории конечных разрешимых групп : автореферат диссертации … доктора физико-математических наук : 01.01.06 / Воробьев Николай Тимофеевич. — Гомель, 1997.
• О решеточных свойствах классов Фиттинга / Н. Т. Воробьев, Е. Д. Ланцетова // Веснік Віцебскага дзяржаўнага ўніверсітэта імя П. М. Машэрава. — 2018. — № 1. — С. 5—10.

Зноскі