Мікель Артэта

Міке́ль Артэ́та Аматрыяі́н (баскск.: Mikel Arteta Amatriain; нар. 26 сакавіка 1982, Сан-Себасцьян, Іспанія) — іспанскі футбаліст (паўабаронца) і трэнер. Паводле нацыянальнасці з’яўляецца баскам. У цяперашні час з’яўляецца галоўным трэнерам лонданскага «Арсенала».

Мікель Артэта
Агульная інфармацыя
Поўнае імя	Мікель Артэта Аматрыяін
Мянушка	Артыст (ісп.: El Artista)[1]
Нарадзіўся	26 сакавіка 1982(1982-03-26)[2] (43 гады) Сан-Себасцьян, камарка Сан-Себасцьян[d], правінцыя Гіпускаа, Краіна Баскаў, Іспанія
Грамадзянства	Іспанія
Рост	175 см
Вага	65 кг
Пазіцыя	цэнтральны паўабаронца
Інфармацыя пра клуб
Клуб	Арсенал
Пасада	галоўны трэнер
Маладзёжныя клубы
1994—1997 Антыгуока 1997—1999 Барселона
Клубная кар’ера[* 1]
1999—2002 Барселона 0 (0) 1999 →  Барселона C 5 (1) 1999—2001 →  Барселона B 42 (3) 2001—2002 →  Пары Сен-Жэрмен 31 (2) 2002—2004 Рэйнджэрс 50 (12) 2004—2005 Рэал Сасьедад 15 (1) 2005 →  Эвертан 12 (1) 2005—2011 Эвертан 174 (28) 2011—2016 Арсенал (Лондан) 110 (14)
Нацыянальная зборная[* 2]
1998—1999 Іспанія (да 16) 10 (4) 1999 Іспанія (да 17) 7 (0) 1999—2001 Іспанія (да 18) 13 (1) 2002—2003 Іспанія (да 21) 12 (2)
Трэнерская кар’ера
2016—2019 Манчэстэр Сіці трэнер 2019— Арсенал (Лондан)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Пачаўшы дарослую кар’еру ў «Барселоне», пазней змяніў некалькі клубаў, а з 2005 года стала гуляў у англійскім «Эвертане», пакуль у апошнія дні трансферанага акна на пачатку сезона 2011/12 не быў падпісаны «Арсеналам». У маі 2016 года пакінуў «Арсенал» па заканчэнні кантракта і завяршыў кар’еру.

Клубная кар’ера

Мікель пачаў футбольную кар’еру ў клубе «Антыгуока» ў родным горадзе Сан-Себасцьян, дзе пасябраваў з паўабаронцам Хабі Алонса з той прычыны, што яны разам гулялі кожныя выходныя. У хуткім часе Мікель з’ехаў у «Барселону», дзе гуляў за рэзервовую каманду, але прабіцца ў галоўную каманду клуба не здолеў, пасля чаго з’ехаў у шатландскі «Рэйнджэрс».

У шатландскім клубе Артэта атрымаў шэраг трафеяў, а таксама любоў заўзятараў брытанскага клуба. Аднак у 2004 годзе ігрок вярнуўся на радзіму, каб выступаць за «Рэал Сасьедад» разам са сваім сябрам Хабі Алонса, які аднак з’ехаў у тым сезоне ў «Ліверпул». На наступны год, Артэта далучыўся да складу англійскага «Эвертана», дзе паводле задумы Дэвіда Моеса, павінен быў замяніць дацкага паўабаронцу Томаса Гравесена. У хуткім часе ігрок стаў футбалістам асноўнага складу клуба, артымаўшы шэраг узнагарод лепшага іграка клуба.

31 жніўня 2011 года склаў 4-гадовы кантракт з лонданскім «Арсеналам», які заплаціў за іспанца 10 мільёнаў фунтаў^[3]. Пазней паўабаронца стаў капітанам «Арсенала». У маі 2016 года абвясціў аб завяршэнні кар’еры^[4].

Трэнерская кар’ера

Пасля заканчэння гульнявой кар’еры ў 2016 годзе стаў памочнікам трэнера Хасепа Гвардыёлы ў «Манчэстэр Сіці». У снежні 2019 года ўзначаліў лонданскі «Арсенал», падпісаўшы кантракт да 2023 года^[5].

Дасягненні

«Рэйнджэрс»:

• Чэмпіён Шатландыі: 2003
• Уладальнік Кубка Шатландыі: 2003
• Уладальнік Кубка лігі Шатландыі: 2003

«Арсенал»:

• Уладальнік Кубка Англіі (2): 2014, 2015
• Уладальнік Суперкубка Англіі (2): 2014, 2015