Мікола Сурначоў

Мікола Сурначоў (нар. снежань 1917 г. у в. Слабада, Рагачоўскі раён, Гомельская вобласць — памёр 20 красавіка 1945, пад Берлінам) — беларускі паэт.

Мікола Сурначоў
Асабістыя звесткі
Дата нараджэння	снежань 1917
Месца нараджэння	Слабада, Рагачоўскі павет, Магілёўская губерня, Заходняя вобласць, РСФСР[d]
Дата смерці	20 красавіка 1945(1945-04-20) (27 гадоў)
Месца смерці	Брандэнбург, Германія
Пахаванне	Бад-Фраенвальдэ
Грамадзянства	СССР
Альма-матар	Гомельскі сельскагаспадарчы тэхнікум[d] (1930-я) Мінскі дзяржаўны педагагічны інстытут імя Максіма Горкага (1941)
Месца працы	Звязда Чырвоная змена
Прафесійная дзейнасць
Род дзейнасці	паэт
Узнагароды
Творы ў Вікікрыніцах

У Вікіпедыі ёсць артыкулы пра іншых людзей з прозвішчам Сурначоў.

Біяграфія

Нарадзіўся ў сялянскай сям’і. Пасля заканчэння Гомельскага сельскагаспадарчага тэхнікума працаваў аграномам на Рагачоўшчыне. Потым перайшоў у раённую газету «Камунар». У 1937—1939 гадах вучыўся на літаратурным факультэце Гомельскага педагагічнага інстытута. У 1939 годзе перавёўся ў Мінскі педагагічны інстытут. Вучобу сумяшчаў з працай у рэспубліканскіх газетах «Звязда» (1939—1940) і «Чырвоная змена» (1940—1941). З 1941 года — у Чырвонай Арміі, удзельнічаў у абароне Каўказа, у вызваленні Беларусі, Украіны, Румыніі, Польшчы.

Творчасць

Друкавацца пачаў у 1933 г. (рагачоўская раённая газета «Камунар»). Выйшлі зборнікі паэзіі «На сурмах баравых» (1946), «Барвовая зара» (1959), кніга вершаў, лістоў і ўспамінаў «Акопны спеў» (1986). Выступаў з літаратурна-крытычнымі артыкуламі і рэцэнзіямі.

Узнагароды

Узнагароджаны ордэнам Чырвонай Зоркі, ордэнам Айчыннай вайны І ступені (пасмяротна)^[1] і медалямі.

Зноскі

1. ЭЛЕКТРОННЫЙ БАНК ДОКУМЕНТОВ «ПОДВИГ НАРОДА В ВЕЛИКОЙ ОТЕЧЕСТВЕННОЙ ВОЙНЕ 1941-1945 ГГ.» Архівавана 11 мая 2017. Сурначев Николай Николаевич 1916г.р.http://podvignaroda.mil.ru/?#id=1010066483&tab=navDetailManCard