Міністэрства лясной гаспадаркі Рэспублікі Беларусь

Міністэ́рства лясной гаспада́ркі Рэспу́блікі Белару́сь (Мінлясгас Беларусі) — ведамства ўраду Беларусі, упаўнаважанае парадкаваць лесакарыстанне. Міністр лясной гаспадаркі прызначаецца і здымаецца з пасады прэзідэнтам. З 1 жніўня 2022 года пасаду міністра займае Аляксандр Антонавіч Кулік.

Міністэрства лясной гаспадаркі Рэспублікі Беларусь
скарочана — Мінлясгас
Геральдычны знак — эмблема Міністэрства лясной гаспадаркі
Агульная інфармацыя
Краіна	Беларусь
Юрысдыкцыя	Беларусь
Папярэдняе ведамства	Міністэрства лясной гаспадаркі БССР
Вышэйшае ведамства	Савет Міністраў Рэспублікі Беларусь
Штаб-кватэра	220048, г. Мінск, вул. Мяснікова, 39
Гадавы бюджэт	180 826 155,0 рублёў[1] (2018)
Міністр	Аляксандр Антонавіч Кулік
Сайт	www.mlh.by

Структура

• Апарат — 5 аддзелаў, 3 упраўленні;
• 6 абласных лесагаспадарчых аб’яднанняў;
• Прадпрыемствы — «Белдзіпралес», «Белдзяржлес», «Белдзяржпаляванне», «Беллесекспарт»;
• Установы — «Беллесаабарона», «Беллесрад» і лясны селекцыйна-насенневодчы цэнтр;
• Вучылішча кадраў лясной гаспадаркі;
• «Беларуская лясная газета» (руск.: «Белорусская лесная газета»), часопіс «Лясная і паляўнічая гаспадарка» (руск.: «Лесное и охотничье хозяйство»).

Задачы

Паводле Часткі 3 Уставы міністэрства мае наступныя задачы:

• парадкаванне выкарыстання, аховы, абароны і аднаўлення лясоў і палявання;
• парадкаванне дзейнасці лясных і паляўнічых гаспадарак і падпарадкаваных устаноў;
• нагляд за выкарыстаннем, аховаю і аднаўленнем лясоў, паляваннем;
• забеспячэнне акупнасці працы падпарадкаваных лясных гаспадарак;
• забеспячэнне спажыўцоў драўнінай і лесаматэрыяламі;
• лесаўладкаванне.

Паўнамоцтвы

Паводле Часткі 5 Статуту МЛГ валодае паўнамоцтвамі на:

• выданне ведамасных пастановаў;
• запыт звестак ва ўстановах;
• падачу позвы ў суд аб спагнанні за шкоду лесу, дзікім жывёлам і асяроддзю іх пражывання;
• ухваленне пастановаў аб спыненні шкоднай лесу, дзікім жывёлам і асяроддзю іх пражывання дзейнасці^[2].

Міністры

• Георгій Андрэевіч Маркоўскі (1990—1994)
• Валянцін Паўлавіч Зорын (1994—2001)
• Пётр Міхайлавіч Сямашка (2004—2009)
• Міхаіл Міхайлавіч Амельяновіч (2010—2018)
• Віталь Аляксандравіч Дрожжа (5 красавіка 2018—2022)
• Аляксандр Антонавіч Кулік (з 1 жніўня 2022)