Валянцін Паўлавіч Зорын

У Вікіпедыі ёсць артыкулы пра іншых людзей з прозвішчам Зорын.

Валянці́н Па́ўлавіч Зорын (нар. 2 мая 1948, в. Крывошын Ляхавіцкі раён Брэсцкай вобласці, Беларуская ССР) — беларускі дзяржаўны дзеяч, Міністр лясной гаспадаркі Рэспублікі Беларусь (1994—2001), кандыдат сельскагаспадарчых навук, прафесар.

Валянцін Паўлавіч Зорын
Міністр лясной гаспадаркі Рэспублікі Беларусь 17 кастрычніка 1994 — 1 лістапада 2001
Прэзідэнт	Аляксандр Лукашэнка
Кіраўнік урада	Міхаіл Чыгір Сяргей Лінг Уладзімір Ярмошын
Папярэднік	Георгій Маркоўскі
Пераемнік	Пётр Сямашка
Нараджэнне	2 мая 1948(1948-05-02) (77 гадоў) Крывошын, Крывошынскі сельсавет, Ляхавіцкі раён, Баранавіцкая вобласць, Беларуская ССР, СССР
Адукацыя	Полацкі лясны тэхнікум (1967), Беларускі тэхналагічны інстытут (1981)
Навуковая ступень	кандыдат сельскагаспадарчых навук
Навуковае званне	прафесар
Месца працы	Лесагаспадарчы факультэт БДТУ
Узнагароды

Біяграфія

Нарадзіўся 2 мая 1948 года ў в. Крывошын Ляхавіцкага раёна Брэсцкай вобласці.

З 1963 па 1967 — вучыўся ў Полацкім лясным тэхнікуме. З 1975 па 1981 завочна вучыўся на лесагаспадарчым факультэце Беларускага тэхналагічнага інстытута імя Кірава па спецыяльнасці «Інжынер лясной гаспадаркі».

З 1969 па 1971 — памочнік ляснічага ў Лагойскім, а затым у Капыльскім лясгасе Мінскай вобласці.

З 1971 па 1974 — начальнік цэха шырспажыву Капыльскага лясгаса.

З 1974 па 1981 — ляснічы Колаўскага лясніцтва Капыльскага лясгаса.

З 1981 па 1984 — дырэктар Дратунскага ваеннага лясгаса.

З 1983 па 1985 — дырэктар Пухавіцкага лясгаса Мінскай вобласці.

З 1985 па 1994 — намеснік Міністра лясной гаспадаркі Беларусі.

З 17 кастрычніка 1994 года па 1 лістапада 2001 года быў Міністрам лясной гаспадаркі Рэспублікі Беларусь^[1].

З 2002 года — прафесар кафедры лесаўпарадкавання лесагаспадарчага факультэта БДТУ.

Навуковая дзейнасць

4 сакавіка 2008 года абараніў кандыдацкую дысертацыю на тэму «Устойлівае кіраванне лясамі і дынаміка ляснога фонду Беларусі».

Асноўныя навуковыя дасягненні:

• удзел у распрацоўцы праграм касмічнага маніторынгу лясоў Беларусі;
• улік і прагноз лясных рэсурсаў пры планаванні прыродакарыстання;
• укараненне аўтаматызаванай сістэмы ўліку лесасыравінных рэсурсаў.

Сааўтар двух манаграфій.

Узнагароды

• медаль «За працоўныя заслугі» (2019)^[2].

Зноскі

1. Указ Прэзідэнта Рэспублікі Беларусь ад 17 кастрычніка 1994 № 149 «Аб прызначэнні В. П. Зорына Міністрам лясной гаспадаркі Рэспублікі Беларусь» (руск.)
2. Указ Прэзідэнта Рэспублікі Беларусь ад 25 лютага 2019 года № 90 «Аб узнагароджанні»