Міхалінава (возера)

У паняцця ёсць і іншыя значэнні, гл. Міхалінава.

Міхалі́нава^[3][4][5], Грабеніцкае возера^[3][4] — возера ў Лёзненскім раёне Віцебскай вобласці Беларусі, у басейне ракі Мошна, за 7 км у напрамку на поўнач ад гарадскога пасёлка Лёзна, за 0,15 км на ўсход ад вёскі Міхалінава.

Міхалінава
Морфаметрыя
Вышыня над узроўнем мора	184 м[1]
Даўжыня	1,06 км
Шырыня	0,42 км
Плошча	0,28 км²
Аб’ём	0,0013 км³
Даўжыня берагавой лініі	2,7 км
Найбольшая глыбіня	8,9 м
Сярэдняя глыбіня	4,19[2] м
Басейн
Плошча вадазбору	3,75 км²
Упадаюць	ручай
Размяшчэнне
Краіна	Беларусь
Рэгіён	Віцебская вобласць
Міхалінава
Міхалінава

Плошча паверхні возера 0,28 км² (0,31^[2]). Даўжыня 1,06^[2] (1,03^[4][5]) км, найбольшая шырыня 0,42 (0,4^[2]) км, даўжыня берагавой лініі 2,7 (2,65^[4][5], 2,74^[2]) км. Найбольшая глыбіня 8,9 м, сярэдняя 4,19^[2] м. Аб’ём вады ў возеры 1,3 млн м³. Плошча вадазбору 3,74 км².
Катлавіна возера выцягнутая ў напрамку з поўначы на поўдзень. Схілы катлавіны дасягаюць вышыні 15 м. Берагі высокія, месцамі зліваюцца са схіламі катлавіны. Берагавая лінія ўмерана звілістая. У паўночнай частцы ў возера ўпадае ручай.