Міхась Гузоўскі

Міха́сь Гузо́ўскі^[1] (1898 — пасля 1944) — беларускі нацыянальны дзеяч.

Міхась Гузоўскі
Дата нараджэння	1898
Дата смерці	не раней за 1944
Грамадзянства	СССР  Расійская імперыя
Альма-матар	Чэшскі тэхнічны ўніверсітэт
Член у	Аб’яднанне беларускіх студэнцкіх арганізацый Беларуская грамада ў Празе Беларускі сялянскі саюз у Празе[d] Рада БНР Беларускі гаспадарчы саюз[d]

Біяграфія

У 1918—1919 гадах — член Беларускай вучнёўскай грамады ў Варонежы^[2]. У 1921 — працаваў настаўнікам^[2]. У лістападзе 1921 года прымусова накіраваны польскай школьнай адміністрацыяй на настаўніцкія курсы ў Кракаў^[2].

У 1922 годзе накіраваны з рэкамендацыі ТБШ на вучобу ў Чэхаславакію^[2]. Скончыў агранамічнае аддзяленне Пражскай вышэйшай палітэхнікі^[2]. Быў адным з кіраўнікоў Аб’яднання беларускіх студэнтаў за граніцай і Заходняй Беларусі (АБСА), сябрам Беларускай грамады, Беларускага сялянскага саюза ў Празе, скаўцкай арганізацыі Беларускі Сокал і іншых^[2].

У 1925 годзе абраны ў рэвізійную камісію Рады БНР^[2]. У 1929 годзе вярнуўся ў Заходнюю Беларусь, быў сябрам Беларускага гаспадарчага саюза^[2].

У часе Другой сусветнай вайны жыў на Віленшчыне^[2]. Летам 1944 года арыштаваны НКУС^[2]. Далейшы лёс невядомы.

Зноскі

1. У некаторых крыніцах — Мікалай Гузоўскі. Гл.: Супрацоўніцтва Беларускага студэнцкага саюза з маладзёжнымі арганізацыямі / У. П. Серпухаў
2. Вашкевіч Андрэй, Пашкевіч Алесь, Чарнякевіч Андрэй. Кароткі нарыс беларускага пытання. — 1-е выд. — Мінск: І. П. Логвінаў, 2008. — 396 с. — ISBN 978-985-6901-22-8.