Міхаіл Аляксандравіч Чэхаў

Міхаіл Аляксандравіч Чэхаў (руск.: Михаи́л Алекса́ндрович Че́хов, 16(28).8.1891, Санкт-Пецярбург — 30 верасня 1955, Беверлі-Хілз, Каліфорнія) — рускі і амерыканскі акцёр, рэжысёр, педагог. Заслужаны артыст Рэспублікі (1924). Пляменнік А. П. Чэхава.

Міхаіл Аляксандравіч Чэхаў
руск.: Михаил Александрович Чехов
Дата нараджэння	29 жніўня 1891(1891-08-29)[1][2]
Месца нараджэння	Санкт-Пецярбург, Расійская імперыя[3]
Дата смерці	30 верасня 1955(1955-09-30)[3][4][…] (64 гады)
Месца смерці	Беверлі-Хілз, акруга Лос-Анджэлес, Каліфорнія, ЗША
Месца пахавання	Галівуд-Хілз[d]
Грамадзянства	Расійская імперыя  РСФСР[d]  СССР  ЗША
Бацька	Alexander Chekhov[d]
Жонка	Olga Chekhova[d]
Дзеці	Ada Tschechowa[d]
Адукацыя	Маскоўскі Мастацкі тэатр
Прафесія	кінаакцёр, тэатральны акцёр, акцёр, тэатральны педагог, кінарэжысёр, тэатральны рэжысёр
Гады актыўнасці	1912 — 1954
Тэатр	Маскоўскі Мастацкі тэатр
Узнагароды	ганаровыя грамадзяне
IMDb	ID 0155011
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Чэхаў.

Біяграфія

У 1911 годзе скончыў Тэатральную школу А. С. Суворына ў Пецярбургу; працаваў у тэатры Суворына (Фёдар — «Цар Фёдар Іанавіч» А. К. Талстога). У 1913 годзе паступіў у трупу Маскоўскага Мастацкага тэатра, удзельнічаў у рабоце 1-й Студыі ММТ. Вырашальны ўплыў на Чэхава аказалі тэатральныя і этычныя ідэі К. С. Станіслаўскага, Л. А. Сулержыцкага і Я. Б. Вахтангава. Абвостранае ўспрыманне свету, эмацыйнасць, бліскучы дар імправізацыі, віртуознае майстэрства вылучылі Чэхава сярод найбуйнейшых рускіх акцёраў. Сярод яго лепшых прац: Фрэзер («Патоп» Бергера), Мальволіа («Дванаццатая ноч» Шэкспіра), Эрык XIV («Эрык XIV» Стрындберга), Гамлет («Гамлет» Шэкспіра), Аблеухаў («Пецярбург» Белага), Хлестакоў («Рэвізор» Гогаля). У 1919-22гадах Чэхаў кіраваў студыяй («Чэхаўская студыя»). У 1924 годзе стаў на чале 1-й Студыі ММТ, ператворанай у тым жа годзе ў ММАТ 2-і. У 1928 годзе Чэхаў з’ехаў за мяжу, кіраваў студыямі ў Літве, Латвіі ў 1932—1934 гадах, Вялікабрытаніі, групай «Эктарс лабараторы» у Галівудзе (1940-я гады). Здымаўся ў кіно. Сярод яго вучняў: англійскі акцёр Пол Роджэрс, амерыканскія кінаакцёры Грэгары Пек, Юл Брынер і інш.