Міхаіл Мар’янавіч Гружэўскі

У Вікіпедыі ёсць артыкулы пра іншых людзей з прозвішчам Гружэўскі.

Міхаіл Мар’янавіч Гружэўскі (13 студзеня 1955(1955-01-13), Каменка, Маладзечанская вобласць — 22 верасня 2018(2018-09-22)) — беларускі педагог, Заслужаны настаўнік Рэспублікі Беларусь.

Міхаіл Мар’янавіч Гружэўскі
Род дзейнасці	настаўнік
Дата нараджэння	13 студзеня 1955(1955-01-13)
Месца нараджэння	Каменка, Гальшанскі сельсавет, Ашмянскі раён, Маладзечанская вобласць, Беларуская ССР, СССР
Дата смерці	22 верасня 2018(2018-09-22) (63 гады)
Грамадзянства	Беларусь
Альма-матар	Ашмянскі дзяржаўны аграрна-эканамічны каледж (1973) Гродзенскі дзяржаўны ўніверсітэт імя Янкі Купалы (1981)
Узнагароды і прэміі	Ганаровая грамата Адміністрацыі Прэзідэнта Рэспублікі Беларусь[d] (2014)

Біяграфія

Нарадзіўся 13 студзеня 1955 года ў в. Каменка Ашмянскага раёна Маладзечанскай вобласці.

Скончыў Каменскую васьмігадовую школу (1970), Ашмянскі сельскагаспадарчы тэхнікум (1973), гістарычны факультэт Гродзенскага дзяржаўнага ўніверсітэта (1981). Працоўную дзейнасць пачаў у калгасе «Шлях Леніна» Іўеўскага раёна дыспетчарам (1973), служыў у пагранічных войсках (1973—1975). Працаваў выкладчыкам пачатковай ваеннай падрыхтоўкі (1975—1984), намеснікам дырэктара па выхаваўчай рабоце (1984—1986) у СШ № 2 г. Ашмяны. У 1986—1987 гадах — інспектар Ашмянскага раённага аддзела адукацыі. З 1987 года па 2018 год — дырэктар СШ № 1 г. Ашмяны.

Дэпутат Гродзенскага абласнога Савета дэпутатаў 25, 26, 27 скліканняў.

Памёр 22 верасня 2018 года.

Узнагароды

• Заслужаны настаўнік Рэспублікі Беларусь (2002),
• Ордэн Францыска Скарыны (2011),
• грамата Адміністрацыі Прэзідэнта Рэспублікі Беларусь (2014),
• званне «Ганаровы грамадзянін горада Ашмяны» (2016).

Ушанаванне памяці

• Восенню 2019 года імя М. М. Грушэцкага прысвоена сярэдняй школе № 1 у г. Ашмяны^[1].