Ашмянскі дзяржаўны аграрна-эканамічны каледж

Ашмянскі дзяржаўны аграрна-эканамічны каледж — сярэдняя спецыяльная навучальная ўстанова ў Ашмянах Ашмянскага раёна Гродзенскай вобласці. Размяшчаецца ў будынку па вуліцы вул. Чкалава, 15.

Ашмянскі дзяржаўны аграрна-эканамічны каледж
Дата заснавання	1950
Тып	прафесійна-тэхнічны каледж[d]
Дырэктар	Віктар Іванавіч Вайшнаровіч[d]
Размяшчэнне	Ашмяны
oaek.by

Гісторыя

У 1950 годзе ў Ашмянах адкрылася аднагадовая сельскагаспадарчая школа брыгадзіраў паляводчых брыгад і рахункаводаў калгасаў^[1].

У 1953 годзе яна была рэарганізавана ў Ашмянскі сельскагаспадарчы тэхнікум, які рыхтаваў спецыялістаў па спецыяльнасцях «Бухгалтарскі ўлік» і «Тэхнік-планавік». У 1960 годзе да тэхнікума далучылі навучэнцаў і дакументацыю ліквідаванага Лідскага тэхнікума механізацыі сельскай гаспадаркі. У 1968 годзе быў пабудаваны навучальны корпус (архітэктар Аляксей Сарокін^[2]) па вуліцы Савецкай, 19.

У 1964 годзе адкрылася завочнае аддзяленне. У 1972 годзе ўведзены ў эксплуатацыю новы 4-павярховы вучэбны корпус, у 1980 годзе — інтэрнат блочнага тыпу на 400 месцаў. У 1990 годзе адкрыта спецыяльнасць «Правазнаўства»^[1].

У 2001 годзе тэхнікум пераўтвораны ў Ашмянскі дзяржаўны аграрна-эканамічны каледж (УА «АДАЭК»). За час існавання падрыхтавана больш за 12 тысяч спецыялістаў (тэхнік-планавік, эканаміст, бухгалтар, юрыст)^[1].

У 2019 годзе да каледжа быў далучаны Ашмянскі дзяржаўны прафесійны аграрна-тэхнічны каледж^[1]. Ашмянскі дзяржаўны аграрна-эканамічны каледж размясціўся ў комплексе будынкаў былога прафесійна-тэхнічнага каледжа па вул. Чкалава, 15.