Міхаіл Нікіфаравіч Вяргеенка

Міхаіл Нікіфаравіч Вяргеенка (12 студзеня 1950(1950-01-12), Гомель — 16 ліпеня 2024(2024-07-16)^[1], Мінск) — беларускі футбаліст і трэнер, гуляў на пазіцыі варатара. Чэмпіён СССР 1982 года. Заслужаны трэнер Беларусі.

Міхаіл Вяргеенка
Нарадзіўся	12 студзеня 1950(1950-01-12) Гомель, Гомельская вобласць, Беларуская ССР, СССР
Памёр	16 ліпеня 2024(2024-07-16)[1] (74 гады) Мінск, Беларусь
Грамадзянства	Беларусь
Рост	183 см[2]
Вага	82 кг[2]
Пазіцыя	Брамнік
Клубная кар’ера[* 1]
1970 Гомсельмаш (Гомель) 0 (0) 1971—1983 Дынама Мінск 280 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Біяграфія

Нарадзіўся 12 студзеня 1950 года ў Гомелі. Выхаванец гомельскага «Спартака».

Выступаў за «Дынама» (Мінск) з 17 верасня 1968 года па верасень 1983 года. Правёў 281 матч у рамках чэмпіянату СССР (забіў 1 гол: 17 чэрвеня 1982, бакінскаму «Нефтчы», з пенальці) і 28 гульняў у Кубку СССР. На працягу многіх гадоў быў капітанам каманды.

У 1972 годзе ў складзе маладзёжнай зборнай СССР ён стаў срэбным прызёрам першага ў гісторыі маладзёжнага чэмпіянату Еўропы. Быў асноўным галкіперам мінскага «Дынама» ў чэмпіёнскім сезоне 1982 года.

З верасня 1983 па май 1991 года працаваў трэнерам і начальнікам каманды «Дынама». З чэрвеня 1991 па май 1994 года быў галоўным трэнерам ФК «Дынама-Мінск». Пад яго кіраўніцтвам клуб выйграў свае першыя трафеі ў суверэнных чэмпіянатах Беларусі: чэмпіянат і Кубак Беларусі па футболе 1992. Галоўны трэнер нацыянальнай зборнай Беларусі (чэрвень 1992 — май 1994, лістапад 1996 — верасень 1999). З 1998 па 2000 год быў генеральным дырэктарам ФК «Дынама-Мінск»^[3].

Памёр 16 ліпеня 2024 года ў Мінску. Пахаваны на мінскіх Паўночных могілках.

Палітычныя погляды

Падпісаў адкрыты ліст у падтрымку дзеючай улады Беларусі пасля жорсткіх падаўленняў масавых пратэстаў у 2020 годзе^[4][5].

Сям’я

Сын — футбаліст і футбольны трэнер Аляксей Міхайлавіч Вяргеенка (нар. 1975).