Міхаіл Восіпавіч Грэдзінгер

Міхаіл Восіпавіч Грэдзінгер (16 снежня 1867, Германія — 23 студзеня 1936) — беларускі савецкі правазнавец. Акадэмік АН БССР (1928), доктар юрыдычных навук, прафесар (1922)^[1].

Міхаіл Восіпавіч Грэдзінгер
Дата нараджэння	16 снежня 1867(1867-12-16)
Месца нараджэння	Каралеўства Саксонія
Дата смерці	23 студзеня 1936(1936-01-23) (68 гадоў)
Месца смерці	Менск, Беларуская ССР, СССР
Грамадзянства	Расійская імперыя  СССР
Род дзейнасці	юрыст, правазнавец, выкладчык універсітэта, цывіліст
Месца працы	Таўрычаскі нацыянальны ўніверсітэт імя У. І. Вярнадскага БДУ
Навуковая ступень	доктар юрыдычных навук (1922)
Навуковае званне	акадэмік Акадэміі навук Беларускай ССР (1928) прафесар (1922)
Альма-матар	Імператарскі Санкт-Пецярбургскі ўніверсітэт[d] (1891) Імператарскі Дэрпцкі ўніверсітэт
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Грэдзінгер.

Біяграфія

Скончыў Пецярбургскі ўніверсітэт у 1891 годзе^[1].

Да Кастрычніцкай рэвалюцыі паслядоўна займаў пасады прыват-дацэнта ў Яраслаўскім універсітэце  (руск.) і Рыжскім політэхнічным інстытуце, пасля выкладаў у Юр’еўскім універсітэце^[2].

Прымаў удзел у стварэнні Сімферопальскага народнага ўніверсітэта  (руск.) і Народнага політэхнікума (1916). З’яўляўся прафесарам грамадзянскага права і працэсу ў Вышэйшым юрыдычным інстытуце ў Севастопалі (1917—1918); там жа ўдзельнічаў у арганізацыі Народнага політэхнікума^[2].

Прыват-дацэнт Таўрычаскага ўніверсітэта (1919—1920), прафесар і дэкан факультэта грамадскіх навук Крымскага ўніверсітэта (1921—1922). У 1921 годзе займаў пасаду намесніка загадчыка Крымцэнтрархіва^[2].

З 1923 года прафесар БДУ^[1]. Акадэмік АН Беларускай ССР з 1928 года^[2].

У пачатку 1930-х гадоў намеснік дырэктара, дырэктар Інстытута савецкага будаўніцтва і права АН БССР, прафесар Інстытута права пры Наркамаце юстыцыі БССР^[1].

Памёр у Мінску^[2].

Навуковая дзейнасць

Навуковыя даследаванні прысвечаны пытанням грамадзянскага і сямейнага права^[1].

Бібліяграфія

Аўтар больш як 100 навуковых прац, у тым ліку 4 манаграфій^[3].

• Опыт исследования безымянных договоров. Рига, 1893.
• Да пытання аб аўтэнтычнасці тэксту закона пры раўнапраўнасці дзвюх або некалькіх моў. — Мн., 1930.
• Пра агульнасаюзныя прадставы гаспадарчага права. — Мн., 1932.
• Да дзесяцігоддзя грамадзянскага кодэкса ў БССР. — Мн., 1933.
• Дапаможнік па грамадзянскаму працэсу БССР. — Мн., 1935.
• Избранные труды / М.О. Гредингер. – Минск : ЮрСпектр, 2023. – 544 с. – (Наследие права).^[4]

Зноскі

1. Гредингер Михаил Осипович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 169. — 737 с.
2. Гредингер Михаил Осипович Архівавана 10 красавіка 2019. (руск.)
3. Акадэмік ГРЭДЗІНГЕР Міхаіл Восіпавіч (руск.)
4. М.О. Гредингер «Избранные труды» (нявызн.). pravo.by.