Мікола Купава

Мікола (Мікалай Мікалаевіч) Купава (нар. 31 студзеня 1946, Орша) — сучасны беларускі мастак. Працуе ў галіне кніжнай і станковай графікі, акварэлі, жывапісу.

Мікола Купава
23 лістапада 2014 на адкрыцці выстаўкі «Арт-Орша. Рубон» у мінскім Палацы мастацтва
Імя пры нараджэнні	Мікалай Мікалаевіч Купава
Дата нараджэння	31 студзеня 1946(1946-01-31) (79 гадоў)
Месца нараджэння	Орша, Віцебская вобласць, Беларуская ССР, СССР
Грамадзянства	СССР  Беларусь
Род дзейнасці	мастак, экслібрысіст
Месца працы	Мінскі дзяржаўны мастацкі каледж імя А. К. Глебава архітэктурны факультэт БНТУ
Жанр	партрэт, гістарычная карціна
Вучоба	Мінскае мастацкае вучылішча (1968) Беларускі дзяржаўны тэатральна-мастацкі інстытут (1976)
Мастацкі кірунак	рэалізм
Вядомыя працы	«Кастусь Каліноўскі»[1]
Уплыў	Васіль Шаранговіч
Член у	Беларускі саюз мастакоў Беларуская спеўна-драматычная майстроўня
Узнагароды
Сайт	mikola-kupava.narod.ru
Медыяфайлы на Вікісховішчы

Біяграфія

У 1963—1968 гг. вучыўся ў Мінскім мастацкім вучылішчы, дзе яго настаўнікам быў, паміж іншага, Алег Луцэвіч. У 1976 г. скончыў навучанне на аддзяленні графікі Беларускага дзяржаўнага тэатральна-мастацкага інстытута, дзе настаўнікамі былі прафесар Павел Любамудраў, дацэнт Васіль Шаранговіч.

З 1972 г. пачынае выставачную дзейнасць, з 1978 г. член Беларускага саюза мастакоў. У 1976—1978 гг. працаваў выкладчыкам у Мінскім мастацкім вучылішчы імя Глебава. У 1982—1984 гг. быў мастацкім рэдактарам часопіса «Маладосць». Удзельнічаў у маладзёжным грамадскім аб’яднанні «Беларуская Майстроўня» (1979—1984).

У 1990—1996 гг. — намеснік дырэктара Мінскага мастацкага вучылішча імя Глебава пры Беларускай акадэміі мастацтваў, у 1998—2004 гг. — старшыня суполкі «Пагоня».

У 1991 годзе Мікола Купава разам з мастакамі Яўгенам Куліком, Уладзімірам Крукоўскім, Лявонам Бартлавым і Львом Талбузіным стварыў эталон дзяржаўнага герба «Пагоня» і сцяга Рэспублікі Беларусь^[2].

У 2002—2006 гг. — выкладчык малюнка і акварэлі на Архітэктурным факультэце БНТУ.

Адкрыццё выстаўкі у мінскім Палацы мастацтва. Злева направа: Леанід Хобатаў, Мікола Купава, Ганна Грыневіч, Рыгор Сітніца, Аляксей Марачкін.

Творы мастака захоўваюцца ў Нацыянальным мастацкім музеі Беларусі, дзяржаўных літаратурных музэях Максіма Багдановіча, Янкі Купалы, Якуба Коласа і іншых установах.

Зноскі

1. Микола Купава: Своей акцией хочу подчеркнуть значимость Кастуся Калиновского в отечественной истории (руск.)
2. nn.by