Мікалай Мікалаевіч Мязга

Мязга Мікалай Мікалаевіч (нар. 31 мая 1965, Ражковічы, Пружанскі раён, Брэсцкая вобласць^[2]) — беларускі гісторык, педагог, доктар гістарычных навук (2017), прафесар (2020).

Мязга Мікалай Мікалаевіч
Дата нараджэння	31 мая 1965(1965-05-31) (60 гадоў) ці 1965[1]
Месца нараджэння	Ражковічы, Хараўскі сельсавет, Пружанскі раён, Брэсцкая вобласць, Беларуская ССР, СССР
Грамадзянства	СССР  Беларусь
Род дзейнасці	навуковец, выкладчык універсітэта, гісторык
Навуковая сфера	гісторыя
Месца працы	Гомельскі дзяржаўны ўніверсітэт імя Францыска Скарыны
Навуковая ступень	доктар гістарычных навук (2017)
Навуковае званне	прафесар
Альма-матар	Гомельскі дзяржаўны ўніверсітэт імя Францыска Скарыны (1989)
Навуковы кіраўнік	Уладзімір Сяргеевіч Кошалеў

Біяграфічныя звесткі

• 1989 год — скончыў Гомельскі дзяржаўны ўніверсітэт імя Францыска Скарыны па спецыяльнасці «Гісторыя», пасля чаго пачаў працаваць у гэтым жа ўніверсітэце.
• 1996 год — абараніў кандыдацкую дысертацыю ў Беларускім дзяржаўным універсітэце на тэму «Палітыка Рапала і польска-савецкія адносіны ў 1922—1926 гадах» па спецыяльнасці 07.00.03 — сусветная гісторыя.
• 2001 год — атрымаў вучонае званне дацэнта.
• 2004 год — прызначаны на пасаду дэкана гістарычнага факультэта Гомельскага дзяржаўнага ўніверсітэта імя Францыска Скарыны.
• 2016 год — абараніў доктарскую дысертацыю ў Беларускім дзяржаўным універсітэце на тэму «Савецка-польскія адносіны ў савецкай і польскай гістарыяграфіі 1918—1941 гг.» па спецыяльнасці 07.00.09 — гістарыяграфія, крыніцазнаўства і метады гістарычнага даследвання.
• 2016 год — прызначаны на пасаду загадчыка кафедры сусветнай гісторыі Гомельскага дзяржаўнага ўніверсітэта імя Францыска Скарыны.
• 2017 год — член савета па абароне кандыдацкіх дысертацый па гісторыі пры Магілёўскім дзяржаўным універсітэце імя А. А. Куляшова.
• 2017 год — член рэдакцыйнай калегіі спецыялізаванага навуковага выдання «Часопіс Беларускага дзяржаўнага ўніверсітэта. Гісторыя».
• 2020 год — Вышэйшая атэстацыйная камісія Рэспублікі Беларусь прысвоіла М. М. Мязгу вучонае званне прафесара.

Навуковая дзейнасць

Асноўныя навуковыя даследаванні прысвечаны гісторыі міждзяржаўных адносін СССР і Польшчы ў 1920-1930-я гады і месца ў іх беларускіх зямель, гісторыі міжнародных адносін у Еўропе ў міжваенны перыяд, айчыннай і замежнай гістарыяграфіі гэтых пытанняў. Вывучае месца Беларусі ў палітыцы еўрапейскіх дзяржаў у 1914—1991 гадах, праблемы асвятлення гісторыі Заходняй Беларусі ў гістарыяграфіі СССР і Польшчы, месца гістарычнай навукі ў ідэйна-палітычным супрацьстаянні СССР і Польшчы ў перыяд паміж сусветнымі войнамі і інш.

Бібліяграфія

• Беларусь у еўрапейскай палітыцы, 1918—1925 гг.: Нарысы / Р. Р. Лазько, А. М. Кротаў, М. М. Мязга. — Гомель: ГДУ, 2003. — 126 с.
• В тисках Рапалло: германский фактор в польско-советских отношениях 1921―1926 годов / Н. Н. Мезга. — Гомель: ГГУ, 2010. — 195 с.
• Между наукой и политикой: советско-польские отношения в историографии России и Польши 1918—1941 годов / Н. Н. Мезга. — Гомель: ГГУ, 2014. — 235 с.
• Гомельский государственный университет имени Франциска Скорины (1930―2015 годы) / А. И. Зеленкова, Н. Н. Мезга, М. П. Савинская. — Гомель: ГГУ, 2015. — 266 с.
• Навейшая гісторыя краін Азіі і Афрыкі: вучэбны дапаможнік для студэнтаў устаноў вышэйшай адукацыі па спецыяльнасцях «Гісторыя», «Гісторыя і грамадазнаўчыя дысцыпліны» / Л. У. Гаўрылавец, М. М. Мязга. — Мінск: Народная асвета, 2017. — 335 с.
• Советско-польские отношения 1921―1926 годов: новый этап противостояния / Н. Н. Мезга. — Гомель: ГГУ, 2019. — 229 с.

Зноскі

1. Identifiants et Référentiels — ABES, 2011. Праверана 4 красавіка 2025.

   <a href='https://wikidata.org/wiki/Track:Q47757534'></a><a href='https://wikidata.org/wiki/Track:Q2826570'></a>
2. База данных «Ученые Беларуси»