Напружанасць магнітнага поля

Напру́жанасць магні́тнага по́ля — вектарная фізічная велічыня, якая характарызуе магнітнае поле.

Напружанасць магнітнага поля
${\displaystyle {\vec {H}}}$
Размернасць	L−1I
Адзінкі вымярэння
СІ	А/м
СГС	Э
Заўвагі
вектарная велічыня

У Міжнароднай сістэме адзінак (СІ), напружанасць магнітнага поля роўная геаметрычнай (вектарнай) рознасці магнітнай індукцыі ${\displaystyle {\vec {B}}}$, падзеленай на магнітную пастаянную μ₀, і намагнічанасці асяроддзя ${\displaystyle {\vec {J}}}$:^[1]

${\displaystyle {\vec {H}}={\frac {1}{\mu _{0}}}\,{\vec {B}}-{\vec {J}}.}$

Для ізатропных асяроддзяў

${\displaystyle {\vec {H}}={\frac {1}{\mu \mu _{0}}}\,{\vec {B}}.}$

Калі аднародны і ізатропны магнетык поўнасцю запаўняе ўсю прастору з магнітным полем, напружанасць магнітнага поля не залежыць ад яго магнітнай пранікальнасці і супадае з напружанасцю магнітнага поля, створанага той жа сістэмай макраскапічных токаў у вакууме.

Адзінка напружанасці магнітнага поля ў СІ — ампер на метр.

Гл. таксама

• Закон поўнага току