Нараджэнне Маці Божай (Рухча)

У паняцця ёсць і іншыя значэнні, гл. Нараджэнне Маці Божай.

Нараджэнне Маці Божай — абраз, створаны да 1700 года, са Свята-Раства-Багародзіцкай царквы ў в. Рухча 1 Столінскага раёна. Захоўваецца ў Нацыянальным мастацкім музеі Рэспублікі Беларусь^[1].

Столінскі майстар
Нараджэнне Маці Божай. да 1700
Матэрыял	дошка для жывапісу[d] і яечная тэмпера
Тэхніка	тэмпера
Нацыянальны мастацкі музей Рэспублікі Беларусь
(інв. ДБЖ-327)

Паходжанне

Абраз выяўлены 32-й экспедыцыяй Дзяржаўнага мастацкага музея БССР у 1977 годзе ва ўніяцкай царкве Нараджэння Маці Божай у в. Рухча Столінскага раёна Брэсцкай вобласці^[2].

Ікона раскрыта рэстаўратарам Спецыяльных навукова-рэстаўрацыйных вытворчых майстэрняў Міністэрства культуры БССР П. Р. Журбеем у 1978 годзе (Мінск)^[2].

Этнаграфічнае значэнне

На абразе добра відаць ручнікі ў безузорыстыя чырвона-чорныя палосы. Такі дэкор пераважае на большасці вырабаў Піншчыны і суседніх са Столінскім раёнах (Драгічынскі, Бярозаўскі, Івацэвіцкі)^[3][4].

Выстаўкі

• Тэмперны жывапіс Беларусі XV—XVIII стст. Мінск. 1988
• Іканапіс Беларусі XVII—XVIII стст. Яраслаўль. Масква. 1990
• Мастацтва Брэстчыны XVII—XVIII стст. Мінск. 1993
• Іканапіс і разьба Беларусі XV—XVIII стст. Мінск. 2000

Зноскі

1. Балыкина Е. Н. ШЕДЕВРЫ ИКОНОПИСИ БЕЛАРУСИ XII—XVIII ВВ. Архівавана 28 лютага 2021. (руск.)
2. Жывапіс барока Беларусі / Аўт.-склад. Н. Ф. Высоцкая. — Мн.: БелЭН; МФКД.2003. — 304 с.:іл. С. 136—137.
3. Жывапіс Беларусі XII—XVIII стагоддзяў. — Іл. 66.
4. Беларускае народнае мастацтва / Я. М. Сахута; (фота Я. М. Сахуты, Г. Л. Ліхтаровіча, В. У. Харчанкі). ― Мінск : Беларусь, 2011. — 367 с. С. 323—324.