Наталля Віктараўна Галіноўская

У Вікіпедыі ёсць артыкулы пра іншых людзей з прозвішчам Галіноўская.

Наталля Віктараўна Галіноўская (нар. 8 мая 1975, г. Гомель) — беларускі ўрач-неўролаг. Доктар медыцынскіх навук (2017), прафесар (2019).

Наталля Віктараўна Галіноўская
Дата нараджэння	8 мая 1975(1975-05-08) (50 гадоў)
Месца нараджэння	Гомель, Гомельская вобласць, Беларуская ССР, СССР
Грамадзянства	СССР  Беларусь
Род дзейнасці	вучоная, выкладчыца ўніверсітэта
Месца працы	Гомельскі дзяржаўны медыцынскі ўніверсітэт
Навуковая ступень	доктар медыцынскіх навук (2017)
Навуковае званне	прафесар (2019)
Альма-матар	Гомельскі дзяржаўны медыцынскі ўніверсітэт (1998)
Узнагароды	Ганаровая грамата Міністэрства аховы здароўя Рэспублікі Беларусь[d] (2016)

Біяграфія

Скончыла Гомельскі дзяржаўны медыцынскі інстытут (1998; аспірантура, спецыяльнасць «Нервовыя хваробы», 2002).

Працавала ў Навукова-даследчым інстытуце медыка-сацыяльнай экспертызы і рэабілітацыі (2003—2005; з 2004 — старшы навуковы супрацоўнік лабараторыі медыка-сацыяльнай экспертызы і рэабілітацыі пры наступствах неўралагічных захворванняў); Гомельскім дзяржаўным медыцынскім універсітэце (2002 і з 2005; у 2007—2017 — дацэнт кафедры неўралогіі і нейрахірургіі з курсам медыцынскай рэабілітацыі і псіхіятрыі, з 2017 — дэкан факультэта павышэння кваліфікацыі і перападрыхтоўкі, і адначасова прафесар кафедры).

Навуковыя інтарэсы: цэрэбраваскулярныя захворванні (інсульт, часовыя парушэнні мазгавога кровазвароту); аўтаімунныя захворванні нервовай сістэмы; нейрафізіялогія; нейрапсіхалогія; нейрарэабілітацыя.

Узнагароды

Грамата Міністэрства аховы здароўя Рэспублікі Беларусь (2016), нагрудны знак «Выдатнік аховы здароўя Рэспублікі Беларусь» (2018).

Зноскі