Наталля Віталеўна Казлоўская

Наталля Віталеўна Казло́ўская (руск.: Наталия Витальевна Козловская; 8 жніўня 1923 — 30 чэрвеня 1991) — батанік, доктар біялагічных навук (1981).

Наталля Віталеўна Казлоўская
Дата нараджэння	8 жніўня 1923(1923-08-08)[1][2]
Месца нараджэння	Петраград, РСФСР, СССР
Дата смерці	30 чэрвеня 1991(1991-06-30) (67 гадоў) ці 1991[3]
Грамадзянства	СССР
Род дзейнасці	батанік, вучоная
Навуковая сфера	батаніка[4]
Месца працы	Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	доктар біялагічных навук (1981)
Альма-матар	ЛДУ (1950)
Узнагароды

У Вікіпедыі ёсць артыкулы пра іншых людзей з прозвішчам Казлоўская.

Біяграфія

Нарадзілася ў Петраградзе. У 1941 годзе скончыла сярэднюю школу і паступіла на біялагічны факультэт Ленінградскага ўніверсітэта. У чэрвені 1942 года добраахвотнікам пайшла на фронт. Пасля вайны працягвала вучобу ў Ленінградскім універсітэце, які скончыла ў 1950 годзе і паступіла ў аспірантуру. У 1953 годзе абараніла кандыдацкую дысертацыю. У 1953—1979 гадах працавала ў Інстытуце біялогіі Акадэміі навук БССР (сучасны Інстытут эксперыментальнай батанікі імя В. Ф. Купрэвіча НАН Беларусі). Доктарскую дысертацыю на тэму «Флора Белоруссии, закономерности её формирования, научные основы использования и охраны» абараніла ў Батанічным інстытуце Акадэміі навук СССР у 1980 годзе.

Навуковая дзейнасць

Аўтар навуковых прац па фларыстытцы, фітагеаграфіі, сістэматыцы раслін, навуковых асновах аховы флоры і інш. Адна са збіральнікаў калекцыі гербарыя кафедры батанікі біялагічнага факультэта Беларускага дзяржаўнага ўніверсітэта^[5].

Сярод апублікаваных прац:

• Хорология флоры Белоруссии. — Мн., 1972. (разам з В. І. Парфёнавым)
• Флора Белоруссии, закономерности её формирования, научные основы использования и охраны. — Мн., 1978.
• Загадки белорусской флоры: занимательные рассказы / Н. В. Козловская — Мн.: Вышэйшая школа, 1986.
• «Красная книга» и охрана флоры БССР / Правл. о-ва «Знание» Бел. ССР — Мн., 1986. (разам з Г. У. Вынаевым).
• Лекарственные растения, применяемые в научной медицине. 5 изд. — Мн., 1974. (у сааўтарстве).

Узнагароды

• Ордэн Айчыннай вайны II ступені.

Зноскі

1. Беларуская энцыклапедыя: У 18 т. Т.7: Застаўка — Кантата — С. 431.

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q24038849'></a>
2. Энцыклапедыя прыроды Беларусі / пад рэд. group of authors — Мн.: Беларуская энцыклапедыя, 1983. — Т. 2. — С. 430.

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q11773891'></a><a href='https://wikidata.org/wiki/Track:Q1690980'></a>
3. Národní autority České republiky Праверана 22 лютага 2022.

   <a href='https://wikidata.org/wiki/Track:Q13550863'></a>
4. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
5. Гербарий кафедры ботаники БГУ Архівавана 27 чэрвеня 2020. (руск.) // Сайт біялагічнага факультэта БДУ