Наталля Сяргееўна Дзяргач

Наталля Сяргееўна Дзяргач (нар. 27 верасня 1964, г.п. Урэчча, Любанскі раён) — беларускі ўрач-педыятр, дэпутатка Палаты прадстаўнікоў Нацыянальнага сходу Рэспублікі Беларусь VIII склікання.

Наталля Сяргееўна Дзяргач
Нараджэнне	27 верасня 1964(1964-09-27) (60 гадоў) Урэчча, Урэцкі сельсавет, Любанскі раён, Мінская вобласць, Беларуская ССР, СССР
Член у	Беларуская асацыяцыя ўрачоў[d]
Адукацыя	БДМУ ІПКіПКАЗ
Месца працы	Мінская абласная дзіцячая клінічная бальніца[d]
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства аховы здароўя Рэспублікі Беларусь[d] Ганаровая грамата Мінскага гарадскога выканаўчага камітэта[d] Ганаровая грамата Мінскага гарадскога савета дэпутатаў[d]

У Вікіпедыі ёсць артыкулы пра іншых людзей з прозвішчам Дзяргач.

Біяграфія

Нарадзілася 27 верасня 1964 года ў г.п. Урэчча Любанскага раёна Мінскай вобласці^[1].

Скончыла Мінскі дзяржаўны медыцынскі інстытут па спецыяльнасці «Педыятрыя»; Беларускую медыцынскую акадэмію паслядыпломнай адукацыі па спецыяльнасці «Арганізацыя аховы здароўя»^[1].

Працавала ўчастковым урачом-педыятрам, загадчыкам дзіцячага аддзялення Любанскага тэрытарыяльнага медыцынскага аб’яднання; урачом-метадыстам арганізацыйна-метадычнага аддзела Мінскай абласной дзіцячай бальніцы; раённым урачом-педыятрам Савецкага раёна г. Мінска; намеснікам галоўнага ўрача па арганізацыйна-метадычнай рабоце, галоўным урачом 34-й цэнтральнай раённай клінічнай паліклінікі Савецкага раёна г. Мінска^[1].

Член Савета грамадскага аб’яднання «Беларуская асацыяцыя ўрачоў»^[1].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Усходняй акругі № 107. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[1].

Узнагароды

Узнагароджана ганаровымі граматамі Нацыянальнага сходу Рэспублікі Беларусь, Савета Міністраў Рэспублікі Беларусь, Міністэрства аховы здароўя Рэспублікі Беларусь, Мінскага гарадскога выканаўчага камітэта, Мінскага гарадскога Савета дэпутатаў, нагруднымі знакамі «За працу ў імя жыцця», «Лепшы настаўнік»^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь