Наталля Уладзіміраўна Сустава

Наталля Уладзіміраўна Су́става^[3] (нар. 30 красавіка 1951) — мастак, кніжны графік, аўтар ілюстрацый да дзіцячых кніг і педагог.

Наталля Уладзіміраўна Сустава
Дата нараджэння	30 красавіка 1951(1951-04-30)[1] (74 гады)
Месца нараджэння	Хемніц, Саксонія[d], ГДР[1]
Грамадзянства	СССР  Беларусь
Род дзейнасці	мастачка, выкладчыца ўніверсітэта
Месца працы	гуманітарны факультэт БДУ
Жанр	графіка і кніжная графіка
Вучоба	Горкаўскае мастацкае вучылішча[d] (1971) Маскоўскі паліграфічны інстытут (1976)
Член у	Беларускі саюз мастакоў[2]
Узнагароды	Ганаровая грамата Міністэрства адукацыі Рэспублікі Беларусь (2007) Ганаровая грамата Міністэрства культуры Беларусі[d] (2012)

Біяграфія

Нарадзілася ў горадзе Хемніц^[3] (Германія). У 1971 годзе скончыла Горкаўскае мастацкае вучылішча па спецыяльнасці мастак-афарміцель (дызайнер), у 1976 годзе Маскоўскі паліграфічны інстытут. У 2017 годзе павышала кваліфікацыю ў Рэспубліканскім інстытуце вышэйшай школы^[4]. З 2012 года выкладае акадэмічны малюнак на кафедры дызайна моды факультэта сацыякультурных камунікацый Беларускага дзяржаўнага ўніверсітэта^[4].

Член Беларускага саюза мастакоў^[5].

Творчасць

Працуе ў жанры станковай і кніжнай графікі^[4]. Пераважна афармляе і ілюструе кнігі для дзяцей^[3]. З 1976 года супрацоўнічае з выдавецтвамі Масквы і Мінска^[4]. Творы Наталлі Суставай вылучаюцца мяккасцю, лірычнасцю, тонкім адчуваннем колеру, своеасаблівасцю мастацкага вырашэння.

Узнагароды

• Прэмія часопіса «Вясёлка» імя В. Віткі (1992);
• Ганаровая грамата Міністэрства адукацыі Рэспублікі Беларусь (2007);
• Ганаровая грамата Міністэрства культуры Рэспублікі Беларусь (2015)^[4].