Нацыянальная музычная акадэмія Украіны імя Пятра Чайкоўскага

Нацыянальная музычная акадэмія Украіны імя Пятра Чайкоўскага (укр.: Національна музична академія України імені Петра Чайковського) — вядучая вышэйшая музычная адукацыйная ўстанова Украіны. Знаходзіцца на цэнтральнай плошчы Кіева — Майдане Незалежнасці.

Нацыянальная музычная акадэмія Украіны імя Пятра Чайкоўскага
Національна музична академія України імені Петра Чайковського
Выгляд з боку Майдана Незалежнасці
Арыгінальная назва	Національна музична академія України імені Петра Чайковського
Ранейшыя назвы	Кіеўская кансерваторыя
Заснаваны	1863
Тып	грамадскі
Рэктар	Максім Алегавіч Цімашэнка
Студэнты	каля 1500
Краіна	Украіна
Размяшчэнне	Кіеў
Узнагароды
Сайт	knmau.com.ua
Медыяфайлы на Вікісховішчы

Гісторыя

27 кастрычніка 1863 года было адкрыта Кіеўскае аддзяленне Імператарскага рускага музычнага таварыства (ІРМТ). У студзені 1868 года на яго базе было адкрыта Кіеўскае музычнае вучылішча, якое ў 1913 годзе было ператворана ў кансерваторыю. Першым рэктарам стаў Уладзімір Пухальскі. Ператварэнню ўстановы ў кансерваторыю паспрыялі вядомыя музыканты, у тым ліку Сяргей Рахманінаў, Аляксандр Глазуноў. У 1925 годзе малодшыя класы кансерваторыі вылучылі ў асобную ўстанову — музычны тэхнікум. У 1934 годзе пры кансерваторыі была адчынена Сярэдняя спецыяльная музычная школа імя Міколы Лысенкі. У 1938 годзе кансерваторыя атрымала Ордэн Леніна, а ў 1940 годзе атрымала імя Пятра Чайкоўскага. Указам Прэзідэнта Украіны Леаніда Кучмы ў 1995 годзе кансерваторыя набыла статус Нацыянальнай музычнай Акадэміі. Але ў размоўнай мове часцей ужываецца былая назва — Кансерваторыя. Таксама студэнты карыстаюцца і скарачэннем — Конса.

Сучаснасць

Падчас Аранжавай рэвалюцыі будынак акадэміі выкарыстоўваўся для патрэб маніфестантаў. Студэнты Акадэміі пераважна таксама актыўна падтрымалі рэвалюцыю^[1]

Будынак акадэміі

Размешчаны каля галоўнай плошчы Кіева — Майдане Незалежнасці. Будынак кансерваторыі пабудаваны ў 90-х гадах 19 стагоддзя. Спачатку гэта быў гатэль «Кантыненталь» (руск.: Континента́ль). Падчас Другой сусветнай вайны будынак быў моцна пашкоджаны. Пасля вайны будынак адбудаваны, у 1955—1958 была пабудавана канцэртная зала. Будынак Акадэміі мае чатыры паверхі і дзве залы («Малую» і «Вялікую»). У Вялікай зале праходзяць канцэрты і пастаноўкі опер, а ў малой — пераважна канцэрты студэнтаў Акадэміі. Вялікай зале ў 2017 годзе нададзена імя загінулага ў расійска-ўкраінскай вайне спевака Васіля Сліпака^[2]. Малая зала атрымала імя былога рэктара, Алега Цімашэнкі^[3].

Навучэнцы

• Арсен Якавенка — піяніст

Зноскі

1. Студенти Національної музичної академії оголосили страйк (укр.) // Украіна маладая, 4 снежня 2004
2. Під час ІХ Міжнародної Пасхальної асамблеї-2017 Великій залі НМАУ ім. Чайковського буде присвоєно ім'я загиблого в АТО оперного співака Василя Сліпака.
3. Малий зал НМАУ ім.П.І.Чайковського носитиме ім’я славетного академіка Олега Тимошенка